फैसला कार्यान्वयन गर्ने क्रममा ईलाका प्रहरी कार्यालय टिकापुर कैलालीबाट खटिएको प्रहरी टोलीले कैलाली जिल्ला अदालतको मिति २०७६/१०/१६ गतेको फैसला अनुसार वन मुद्धामा रु.४८,२३४।- (अठचालिस हजार दुई सय चौतिस) जरिवाना तोकिई हालसम्म फरार अवस्थामा रहेका जिल्ला कैलाली टीकापुर नगरपालिका वडा नं.१ एकतानगर शिविर बस्ने बर्ष ३९ को पहल सिंह टमट्टालाई मिति २०७९/१०/१४ गते दिउसो टीकापुर नगरपालिका वडा नं.१ स्थित सडक खण्डमा हिडिरहेको अवस्थामा फेला पारी पक्राउ गरेको हो ।

     यसैगरि फैसला कार्यान्वयन गर्ने क्रममा ईलाका प्रहरी कार्यालय टिकापुर कैलालीबाट खटिएको प्रहरी टोलीले २०७९/१०/१५ गते दिउसो टीकापुर न.पा.१ स्थित ऐ.बस्ने बर्ष ४२ की  पुष्पा तुलाचन करकाप मुद्धामा रू ५०/- र निजको छोरा बर्ष २५ को राजेश तुलाचन लाई रू.२५०/- कैलाली जिल्ला अदालतको मिति ०७३/११/०९ गते फैसला अनुसार करकाप मुद्धामा जरिवाना तोकिई हालसम्म फरार अवस्थामा दुबै जनालाई ऐ.घर नजिकै सडक खण्डमा हिडिरहेको अवस्थामा फेला पारी पक्राउ गरेको हो ।

      यसैगरि अस्थायी प्रहरी पोष्ट बसपार्क धनगढीबाट खटिइ गएको प्रहरी टोलीले  मिति २०७९/१०/१५ गतेको बेलुकी अन्दाजी १६:०० बजेको समयमा धनगढी उ.म.न.पा.४ बसपार्कबाट बैँकिङ कसुर मुद्धाकी फरार प्रतिबादी ऐ.५ बस्ने बर्ष २८ की मोनिका पाण्डेयलाई पक्राउ गरेको हो । 

     यसैगरि मिति २०७९।१०।१५ गतेको बेलुकीतिर ईलाका प्रहरी कार्यालय सडकपुर बौनिया खटीएको प्रहरी टोलीले ज.ज.क.मुद्दाको फरार प्रतिवादी जि.कैलाली साबिक दोदोधरा गा.वि.स.४ हाल बर्दगोरिया गा.पा.५ रामपुर बस्ने बर्ष ५२ को सिता राम चौधरी मिति ०७४।०२।०७ गते सम्मानित कैलाली जिल्ला अदालतको फैसला अनुसार  कैद ४ बर्ष ११ महिना २६ दिन  बाँकी रहेको फरार प्रतिवादीलाई आफ्नै स्थाई वतनमा  लुकिछिपी बसि रहेको अवस्थामा गोप्य सुचनाको आधारमा पक्राउ गरेको । निजहरुलाई आवश्यक कारबाहीको लागी सम्मानित अदालतमा उपस्थित गराएको ।