मिति २०७९/११/०६ गतेको बिहान बिशेष सुचनाका आधारमा ईलाका प्रहरी कार्यालय टिकापुरबाट खटिई गएको प्रहरी टोलीले जिल्ला कैलाली टीकापुर नगरपालिका १ शिव मन्दिर बाहिर रहेको खुद्रा पसलमा एक हजारको नेपाली नोट साटी रहेको अवस्थामा ऐ.ऐ.२ बिजयनगर बस्ने बर्ष २३ को तपेन्द्र शाहीलाई फेला पारी चेकजाँच गर्ने क्रममा निजले साटी रहेको उक्त नोट नक्कली जस्तो देखिएकोले निजको शरिर खानतलासी गर्दा निजको साथबाट नक्कली जस्तो देखिने एक तर्फी रंगीन प्रिन्ट गरेको नोट थान १३ र दुबै तर्फ प्रिन्ट गरी जोडेको नोट थान ४ गरी जम्मा नेपाली एक हजारका नक्कली नोट थान १७ (सत्र) फेला पारी निजलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।