कञ्चनपुर:- जिल्ला कञ्चनपुर बेलडाँडी गा.पा.१ बेलडाँडीबाट ६०० मिलिग्राम लागू औषध खैरो हेरोईन जस्तो देखिने धुलो पदार्थ सहित ऐ. रौलेश्वर टोल बस्ने बर्ष २० को चन्द्र खड्कालाई बिहीबार राती प्रहरीले पक्राउ गरेको हो । बेलडाँडी प्रतिक्षालयमा संकास्पद रुपमा बसिरहेको अवस्थामा इलाका प्रहरी कार्यालय बेलडाँडी, कञ्चनपुरबाट खटिएको प्रहरी टोलीले शंका लागि चेकजाँच गर्दा उक्त पदार्थ फेला पारी आवश्यक प्रक्रिया पुरा गरि निजलाई पक्राउ गरेको हो ।