कैलाली:- जिल्ला कैलाली टीकापुर न.पा.१ बनकार्यालय स्थित डुडेझारी सडक खण्डमा सु.प.प्र.०१-००९ प ६७७८ नम्बरको मोटरसाइकल अनियन्त्रित भई विहीबार राति दुर्घटना हुँदा मोटरसाइकल चालक सोही ठाउँ बस्ने बर्ष ३५ को रमेश शाहीको मृत्यु भएको छ । दुर्घटनामा गम्भीर घाइते भएका उनलाई टिकापुर अस्पताल टिकापुर लगिएकोमा चिकित्सकले चेकजाँच गर्दा मृत घोषणा गरेको हो । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।