फरार प्रतिवादी पक्राउ

२०८२-१२-२८

A
A^-
A⁺

कैलाली :- फैसला कार्यान्वयनको सिलसिलामा चोरी मुद्दामा २५ दिन कैद सजाय र रु.१०,०००।– जरिवाना तोकिएको जिल्ला कैलाली गौरीगंगा न.पा.४ राजिपुर बस्ने वर्ष २४ को सुरेश नेपालीलाई इलाका प्रहरी कार्यालय चौमाला,कैलालीबाट खटिएको प्रहरी टोलीले शुक्रबार निजको घर ठेगानाबाट पक्राउ गरेको हो ।

डोटी :- फैसला कार्यान्वयनको सिलसिलामा सम्मानित जिल्ला अदालत डोटीको मिति २०८२।०४।२६ गतेको फैसलाले बैङ्किङ कसुर मुद्दामा १० दिन कैद सजाय र रु.४०,००,००० ( चालिस लाख ) जरिवाना तोकिएकी जिल्ला डोटी आदर्श गा.पा. वडा नं. ०३ बस्ने वर्ष ४० कि सन्जा कुमारी कठायत रोकायालाई जिल्ला प्रहरी कार्यालय डोटीबाट खटिएको प्रहरी टोलीले शुक्रबार जिल्ला डोटी दिपायल सिलगढी न.पा. वडा नं. ४ पिपल्ला बजारबाट पक्राउ गरेको हो ।

सम्बन्धित समाचार

अबैध लागुऔषध सहित मानिस नियन्त्रणमा

२०८२-१२-२८

कैलाली:- धनगढी उपमहानगरपालिका-३ गणेश मन्दिर नजिकैबाट १३० मिलिग्राम अवैध लागूऔषध ब्राउनसुगर जस्तो देखिने पदार्थ र ६ ट्याब्लेट स्पास नामक लागु औषध सहित सोही उपमहानगरपालिका-२ बस्ने २१ वर्षिया अविशेक शर्मा समेत ३ जनालाई शुक्रबार दिउसो प्रहरीले पक्राउ गरेको छ । अस्थायी प्रहरी पोष्ट विशालनगर,कैलालीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध लागुऔषध सहित मानिस नियन्त्रणमा

२०८२-१२-२७

कैलाली:- भजनी नगरपालिका ३ कुसुमघाटबाट अवैध लागूऔषध ब्राउनसुगर जस्तो देखिने पदार्थ १ ग्राम ४० मिलिग्राम सहित बर्दगोरिया गा.पा. -१ बस्ने २५ वर्षीय अरुण चौधरीलाई बिहिबार दिउसो प्रहरीले पक्राउ गरेको छ । इलाका प्रहरी कार्यालय भजनी,कैलालीबाट खटिएको प्रहरीले उनलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८२-१२-२७

कैलाली:- जिल्लाको विभिन्न स्थानहरुबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १,०७,१००।– बराबरको किराना समान,कपडा र साईकल थान-४ लगायतका सामानहरु बिहिबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- भिमदत्त न.पा. ११ गड्डाचौकीबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १,१८,०००।– बराबरको मोबाईल कभर, हार्डवेयर समान र किराना लगायतका सामानहरु बिहिबार इलाका प्रहरी कार्यालय गड्डाचौकीबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

जबरजस्ती करणी गरेको अभियोगमा पक्राउ

२०८२-१२-२७

कैलाली :- २८ वर्षीया महिलालाई जबरजस्ती करणी गरेको अभियोगमा जिल्ला कैलाली कैलारी गा.पा. ३ हसुलिया बस्ने बर्ष २३ को सनि चौधरीलाई बिहिबार बेलुकी प्रहरीले पक्राउ गरेको छ । सनि चौधरीले ती महिलालाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय कैलालीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

सवारी दुर्घटनाबाट चालक सहित ३ जनाको मृत्यू

२०८२-१२-२७

कञ्चनपुर:- जिल्ला कञ्चनपुर कृष्णपुर न.पा.-१ कुगडा स्थित पहरीया- कुमगडा भित्री कच्ची सडक खण्डमा से १ ज २९० नं. को जिप अनियन्त्रित भई कच्ची सडकबाट अन्दाजी ५०/६० मिटर तल खोल्सामा खसी बिहिबार दुर्घटना हुँदा उक्त जिपमा ८ जना सवार मध्ये २ (दुई) जनाको घटनास्थलमा र १ जनाको उपचारको क्रममा अस्पतालमा मृत्यु भएको छ । मृत्यू हुनेमा जिल्ला कञ्चनपुर कृष्णपुर न.पा.१ बस्ने बर्ष ६०को नन्दराम पार्की र ऐ.ऐ.बस्ने बर्ष ६२ की कलावती देवी बोहराको घटना स्थलमा र जिप चालक जि.कञ्चनपुर कृष्णपुर न.पा.१ बस्ने बर्ष २४ को अर्जुन साउदको उपचारको क्रममा निसर्ग अस्पताल धनगढी कैलालीमा मृत्यू भएको हो । घाईते ५ जनाको निसर्ग अस्पताल धनगढी कैलालीमा उपचार भईरहेको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८२-१२-२६

कञ्चनपुर:- जिल्लाको विभिन्न स्थानहरुबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ४,००,१००।– बराबरको किराना,हार्डवेयर समान र मोटरसाईकल थान-१ लगायतका सामानहरु बुधबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।