लागू औषध सहित मानिस पक्राउ
२०८०-०६-१९
- A
- A-
- A+
कैलाली:- जिल्ला कैलाली, गोदावरी न.पा.४ गोदावरीबाट ३ किलो ५०० ग्राम लागू औषध चरेस जस्तो देखिने कालो पदार्थ सहित जिल्ला बझाङ्, बुङ्गल न.पा.२ बस्ती घर भई हाल जिल्ला कञ्चनपुर,कृष्णपुर न.पा.१ दोमिल्ला बस्ने बर्ष ३५ को गोरे धामीलाई बिहीबार साँझतिर प्रहरीले पक्राउ गरेको हो । अस्थायी प्रहरी पोष्ट गोदावरी कैलालीबाट खटिई गएको प्रहरी टोलीले शंका लागी चेकजाँच गर्दा निजको साथबाट उक्त पदार्थ फेला पारी मोटरसाईकल थान १ समेत बरामद गरि निजलाई पक्राउ गरेको हो ।
यसैगरि:- जिल्ला कैलाली, धनगढी उ.म.न.पा. २ त्रिनगर ब्यारेलबाट ७१० मिलिग्राम लागू औषध खैरो हेरोईन जस्तो देखिने धुलो पदार्थ सहित ऐ. ५ बस्ने बर्ष ३५ को मुकेश कुँवरलाई बिहीबार साँझतिर प्रहरीले पक्राउ गरेको हो । जिल्ला प्रहरी कार्यालय कैलालीबाट खटिई गएको प्रहरी टोलीले शंका लागी चेकजाँच गर्दा निजको साथबाट उक्त पदार्थ फेला पारी बरामद गरि निजलाई पक्राउ गरेको हो ।
कञ्चनपुर:- जिल्ला कञ्चनपुर,भिमदत्त न.पा.५ शिवमन्दिर नजिकबाट ०.१८ ग्राम लागू औषध खैरो हेरोईन जस्तो देखिने धुलो पदार्थ सहित ऐ. ४ बस्ने बर्ष २५ को सन्तोष तिरुवा समेत दुई जनालाई बिहीबार साँझतिर प्रहरीले पक्राउ गरेको हो । जिल्ला प्रहरी कार्यालय कञ्चनपुरबाट खटिई गएको प्रहरी टोलीले शंका लागी चेकजाँच गर्दा निजहरुको साथबाट उक्त पदार्थ फेला पारी बरामद गरि निजहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।