सवारी दुर्घटनामा मृत्यु

२०८१-०१-२३

A
A^-
A⁺

डडेल्धुरा:- मिति २०८१।०१।२२ गते २२:३० बजेको समयमा जिल्ला डडेल्धुरा, नवदुर्गा गा.पा.४ सिरुडा स्थित भित्री सडक खण्डमा बेलापुरबाट सिरुडा रामजाने कन्ट्रक्सन प्रा.लि.को क्याम्प तर्फ जाँदै गरेको बागमती प्रदेश ०१-००१ क ९६५१ नम्बरको टिप्पर अनियन्त्रित भई सडकबाट अन्दाजी २५० मिटर तल खसेर चालक जिल्ला धादिङ गजुरी गा.पा. ७ बस्ने बर्ष अन्दाजी ४० को धिरज थापामगर र ऐ. रोडाङ गा.पा. बस्ने बर्ष अन्दाजी २७ को बिष्णु बि.क. को उपचारको क्रममा डडेल्धुरा अस्पताल डडेल्धुरामा मृत्यु भएको, दुर्घटनामा घाईते भएका जिल्ला धादिङ, रोडाङ गा.पा. बस्ने बर्ष अन्दाजी ३१ को सुदिप बि.क र जिल्ला, डडेल्धुरा नवदुर्गा गा.पा. ४ बस्ने बर्ष अन्दाजी २८ को हिक्मत बि.क.को डडेल्धुरा अस्पताल डडेल्धुरामा उपचार भईरहेको, अवस्था मध्यम ।

सम्बन्धित समाचार

फरार प्रतिबादी पक्राउ

२०८३-०७-२१

कञ्चनपुर :- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०८१।०३।१७ गतेको फैसलाले लागूऔषध मुद्दामा ५ महिना कैद सजाय तोकिएको शुक्लाफाँटा न.पा.११ अम्मरपुर बस्ने वर्ष २६ को अर्जुन रावललाई इलाका प्रहरी कार्यालय झलारी, कञ्चनपुरबाट खटिएको प्रहरी टोलीले शुक्रबार निजकै घर ठेगानाबाट पक्राउ गरेको छ ।

अबैध भन्सार छलिका सामान नियन्त्रणमा

२०८३-०७-२१

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.७४,०५०।– बराबरको पटका, बोइलर कुखुरा लगायतका सामानहरु शुक्रबार जिल्ला प्रहरी कार्यालय कैलाली मातहत कार्यालयबाट खटिएको प्रहरीले टोलिले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- कञ्चनपुर जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.४,४०,५५०।– बराबरको चिनी, मिश्री, मिठाई, नरिवल, विभिन्न किसिमका कपडा, पटका लगायतका सामानहरु शुक्रबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरीले टोलिले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । बैतडी:- जिल्ला बैतडी दशरथचन्द न.पा.६ कालिबगरबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.२०,०००।– बराबरको बिडी शुक्रबार प्रहरी चौकी सेरा, बैतडीबाट खटिएको प्रहरीले टोलिले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

एक नाले भरुवा वन्दुक बरामद

२०८३-०७-२०

बझाङ:- जिल्ला बझाङ बुंगल न.पा.वडा नं ६ हापे खोला स्थित रहेको ओडारमा लुकाई छिपाई राखेको एक नाले भरुवा बन्दुक थान-१ बिहिबार बेलुका इलाका प्रहरी कार्यालय बुंगल,बझाङबाट खटिएको प्रहरी टोलीले वेबारिसे अवस्थामा फेला पारी बरामद गरेको छ । यस सम्बन्धमा प्रहरीले अनुसन्धान गरिरहेको छ ।

जुवातास खेलिरहेको अवस्थामा १४ जना पक्राउ

२०८३-०७-२०

कैलाली:- जिल्ला कैलाली गोदावरी न.पा. वडा नं ५ गेटा बराचोक स्थित ऐ.ऐ.बस्ने वर्ष २८ को रमेश रानाले संचालन गरेको रमेश होटेलको कोठामा जुवातास खेलाई रहेको भन्ने गोप्य सुचनाको आधारमा जुवातास खेलिरहेको अवस्थामा निज रमेश राना सहित १४ जनालाई बिहिबार राती जिल्ला प्रहरी कार्यालय कैलालीबाट खटिएको प्रहरी टोलीले नगद रु.६८,६१०।- (अठसट्ठी हजार छ सय दश रुपैया) र १ गड्डी तास सहित पक्राउ गरेको छ । यस सम्बन्धमा प्रहरीले अनुसन्धान गरिरहेको छ ।

जबरजस्ती करणी गरेको अभियोगमा पक्राउ

२०८३-०७-२०

डडेल्धुरा:- १५ वर्षीया बालिकालाई जबरजस्ती करणी गरेको अभियोगमा जिल्ला डडेल्धुरा पर्शुराम न.पा.वडा नं १२ खजुरानी बस्ने वर्ष ३० को योगेन्द्र बोहरालाई बिहिबार बेलुकी प्रहरीले पक्राउ गरेको छ । बोहराले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय जोगबुडा,डडेल्धुराबाट खटिएको प्रहरीले उनलाई पक्राउ गरेको हो ।यस सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०७-२०

कैलाली:- जिल्ला कैलाली जानकी गा.पा. २ बडरिया स्थितबाट अवैध रुपमा भारतबाट भन्सार छलि गरी ल्याएका अन्दाजी मूल्य रु. १,३०,०००।– बराबरको विभिन्न किसिमका पटाका बिहिबार इलाका प्रहरी कार्यालय टीकापुर,कैलालीबाट खटिएको प्रहरी टोलीले वेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- कञ्चनपुर जिल्लाको विभिन्न स्थानबाट अवैध रुपमा भारतबाट भन्सार छलि गरी ल्याएका अन्दाजी मूल्य रु. २,४३,७५०।– बराबरको विभिन्न किसिमका सुर्ति,बिडी,मोबाईलका पार्टपुर्जा र किराना लगायतका सामानहरु बिहिबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी टोलीले फेला पारी आवश्यक प्रक्रिया पुरा गरी नियन्त्रणमा लिएको छ ।