प्रहरी कन्ट्रोल : १००, टोल फ्री नं.: १६६००१४१५१६
नेपा
EN

सुदूरपश्चिम प्रदेश प्रहरी प्रमुखबाट मातहत प्रहरी युनिट ईन्चार्जहरुलाई निर्देशन

२०८१-०१-३१

  • A
  • A-
  • A+
Share

धनगढी, ३१ बैशाख । 

 आज मिति २०८१।०१।३१ गतेका दिन सुदूरपश्चिम प्रदेश प्रहरी कार्यालय धनगढी, कैलालीमा एक कार्यक्रमका बिच प्रदेश प्रहरी प्रमुख प्रहरी नायव महानिरीक्षक रबिन्द्र के.सी.ज्यूले प्रदेश अन्तर्गत कैलाली र कञ्चनपुर जिल्ला स्थित कार्यरत युनिट ईन्चार्जहरुलाई आवश्यक निर्देशन दिनु भएको छ । उहाँले बर्तमान शान्ति सुरक्षाको अवस्थाको बारेमा जानकारी लिदै, आगामी दिनमा आई पर्न सक्ने सुरक्षा चुनौती एवं समाधानका विषयहरुमा निर्देशन दिनु भयो । 

    उक्त अवसरमा उहाँले शान्ति सुरक्षा तथा अपराध अनुसन्धानलाई थप सुदृढ एवम् प्रभावकारी बनाउनको लागि सम्पूर्ण प्रहरी कर्मचारीहरुले नि:स्वार्थ सेवा प्रवाह गर्दै निष्ठावान, ईमानदार एवम् सिर्जनशील भई अबैध क्रियाकलाप रोकथाम, तस्करी नियन्त्रण, यात्रु-मैत्री व्यवहार, Smart Policing, आर्थिक अनियमिततामा शून्य सहनशीलतालाई आत्मसाथ गरि सिमान्तकृत एवम् पीडित वर्गहरूको सारथी भई उनीहरूको समस्या एवम् गुनासोलाई प्रभावकारी रुपमा सम्बोधन गर्नुका साथै नागरिकलाई सुरक्षाको प्रत्याभूति हुने गरि सेवा प्रदान गर्न निर्देशन दिनुभयो ।

     साथै निर्देशन सम्बोधनको क्रममा उहाँले नेपाल भारतको सिमा-नाकाबाट हुने भन्सार चोरी-तस्करी तथा सिमा-नाकामा हुने अपराधिक गतिबिधिका बिरुद्ध कडाईका साथ प्रस्तुत भई काम गर्ने, लागू-औषधको ओसार-पसार र बिक्री बितरण कडाईका साथ नियन्त्रण गर्ने, सवारी दुर्घटना न्यूनिकरण र नियन्त्रण गर्न प्रभावकारी रुपमा ट्राफिक नियमहरुको नियमन गर्ने, फरार अपराधीहरूको व्यापक रुपमा खोज-तलास गर्ने, सामाजिक अपराध रोकथाम तथा नियन्त्रणमा प्रभावकारी ढंगले प्रस्तुत हुने, नागरीक र प्रहरी बिच सुमधुर सम्बन्ध स्थापित गरि चुस्त दुरुस्त नागरीक मैत्री प्रहरी सेवा प्रवाह गर्ने, गैह्र व्यवसायिक र प्रहरी आचरण विपरितका कुनै पनि गतिविधिमा संलग्न नभई अनुशासनमा रही उच्च मनोवलका साथ त्रुटी रहित ढंगबाट कार्य सम्पादन गर्नुका साथै अवैध कारोवारलाई नियन्त्रण गर्न सूचना संकलन एवं विश्लेषण लाई थप प्रभावकारी बनाई आम जन-मानसमा प्रहरी प्रतिको छवि अझ राम्रो पार्नको लागि सृजनात्मक कार्यहरु गर्ने लगायतका सम-सामयिक विषयहरुमा आवश्यक निर्देशन समेत दिनुभयो ।  

    उक्त कार्यक्रममा सुदूरपश्चिम प्रदेश प्रहरी कार्यालय धनगढीमा कार्यरत प्रहरी अधिकृतहरु, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरियाका प्रमुख, जिल्ला प्रहरी कार्यालय कैलाली र कञ्चनपुरका प्रमुख, जिल्ला ट्राफिक प्रहरी कार्यालय कैलाली र कञ्चनपुरका प्रमुख तथा सिमा-नाकामा अवस्थित प्रहरी युनिटहरुमा कार्यरत सिनियर प्रहरी अधिकृत तथा जुनियर प्रहरी अधिकृत समेत गरी ६० जना प्रहरी कर्मचारीहरुको उपस्थिती रहेको थियो ।  



सम्बन्धित समाचार
अबैध भन्सार छलिका सामान बरामद
२०८१-०२-०७

कैलाली:- मिति २०८१।०२।०६ गते कैलाली जिल्लाको बिभिन्न स्थानहरु धनगढी उ.म.न.पा.२ बैयावेहडी, गोदावरी न.पा.१ पाठक पेट्रोल पम्प पछाडी र भजनी न.पा.०८ खैराबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.८८,९९४।– बराबरको चिनी, बिडी, सुर्ती, साबुन, इन्जनको पाता, धानको बिउ, प्लाष्टिक डोरी, माछा लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले फेला पारी नियन्त्रणमा लिएको ।कञ्चनपुर:- मिति २०८१।०२।०६ गते कञ्चनपुर जिल्लाको बिभिन्न स्थानहरु भिमदत्त न.पा. ४ बस्पार्क, पुनर्वास न.पा.११ डोकेबजार, दोधारा चाँदनी न.पा.३ पुर्णागिरी टोल र बेलडाँडी गा.पा.५ थाताबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३,७९,९५०।– बराबरको दाल, मिठाई, सुर्ती, प्लाष्टिक झिल्ली, इन्जिन बेरिङ, CUN रड, DAP मल, युरिया मल, बोईलर कुखुरा लगायतका सामानहरु जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले फेला पारी नियन्त्रणमा लिएको ।

अबैध लागू औषध सहित मानिस पक्राउ
२०८१-०२-०७

 कैलाली:- मिति २०८१।०२।०६ गते १६:३० बजेको समयमा जिल्ला कैलाली, जानकि गा.पा.६ स्ववर्णपुर स्थित डुडेझारि सडक खण्ड बाट शंका लागि चेकजाँच गर्दा सोही ठाउँ बस्ने बर्ष २७ को अमृत थापालाई ३०० मिलिग्राम लागू औषध खैरो हेरोईन जस्तो देखिने धुलो पदार्थ सहित नियन्त्रणमा लिईएको, थप अनुसन्धान भईरहेको ।   यसैगरी,  मिति २०८१।०२।०६ गते २२:३५ बजेको समयमा जिल्ला कैलाली, धनगढी उ.म.न.पा.३ त्रिभुवनचोकबाट शंका लागि चेकजाँच गर्दा सोही ठाउँ बस्ने १७ र १८ बर्षिय किशोरलाई १०० मिलिग्राम लागू औषध खैरो हेरोईन जस्तो देखिने धुलो पदार्थ सहित नियन्त्रणमा लिईएको, थप अनुसन्धान भईरहेको ।