मिति २०७७/१०/२१ गते बिहान जिल्ला बैतडी दोगडाकेदार गा.पा वडा.न.७ बस्ने अन्दाजी बर्ष १८ की भागरथी भट्टको बिद्यालयबाट घर फर्किने क्रममा  बलत्कार पछि हत्या गर्ने अभियुक्त पक्राउ परेको छ । माघ २१ गते विद्यालयबाट घर फर्किने क्रममा हराएकी भागरथी भट्ट अर्को दिन बिहान मृत अवस्थामा फेलापरेकी हुन । भट्ट मृत अवस्थामा फेला परेको खवर पाएपछि प्रहरीले उक्त घटनाको बारेमा अनुसन्धान सुरु गरेको हो । प्रहरीले अनुसन्धानका क्रममा उक्त घटनामा संलग्न रहेको आरोपमा एकजनालाई पक्राउ गरेको छ । पक्राउ पर्नेमा जिल्ला बैतडी दोगडाकेदार गा.पा वडा.न.७ बस्ने अन्दाजी १६ बर्षीय युवक रहेका छन । पक्राउ गरिएका युवकलाई अदालतबाट म्याद थप गरि अनुसन्धान भैरहेको छ । हाल पक्राउ गरिएका युवक प्रहरी हिरासतमा रहेका छन ।