फरार प्रतिबादी पक्राउ

        कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले चेक अनादर मुद्दामा २ बर्ष कैद सजाय तोकिएको जिल्ला कञ्चनपुर, कृष्णपुर न.पा.६ बालुवाफाँटा बस्ने वर्ष ३८ को दिपेन्द्र चौधरीलाई इलाका प्रहरी कार्यालय गुलरिया, कञ्चनपुरबाट खटिएको प्रहरीले सोमबार निजकै घर ठेगानाबाट पक्राउ गरेको हो ।        डोटी:- फैसला कार्यान्वयनको सिलसिलामा सम्मानित जिल्ला अदालत डोटीको फैसलाले सवारी ज्यान मुद्दामा ५ महिना २९ दिन कैद सजाय तोकिएको जिल्ला डोटी, आदर्श गा.पा.७ जडिमाना बस्ने बर्ष ५६ को रण बहादुर बिष्टलाई जिल्ला प्रहरी कार्यालय डोटीबाट खटिएको प्रहरीले सोमबार दिपायल सिलगढी न.पा.६ सिलगढी बाट पक्राउ गरेको हो ।

जुवातास खेलिरहेको अवस्थामा ५ जना पक्राउ

      अछाम:- जिल्ला अछाम साँफेबगर न.पा.५ घर भई सोही न.पा.४ छिपेखोला स्थित बर्ष ४८ को चक्र चाडले सञ्चालन गरेको अस्मिता होटलबाट जुवातास खेलिरहेको अवस्थामा निज चक्र चाड सहित ५ जनालाई सोमबार साँझ प्रहरीले पक्राउ गरेको छ । जुवातास खेलिरहेका छन भन्ने गोप्य सूचनाको आधारमा इलाका प्रहरी कार्यालय साँफेबगर, अछामबाट खटिएको प्रहरीले निजहरूलाई नगद रु.२९,६७०।– र ३ गड्डी तास सहित पक्राउ गरेको हो । यस सम्बन्धमा प्रहरीले अनुसन्धान गरिरहेको छ ।    

अबैध भन्सार छलिका सामान नियन्त्रणमा

      कैलाली:- कैलाली जिल्लाको विभिन्न स्थानहरु धनगढी उ.म.न.पा.७ जोख्खरताल नजिक र भजनी न.पा.२ गौनहियाबाट अबैंध रुपमा भारतबाट भन्सार छलि गरी ल्याएका अन्दाजी मूल्य रु.१,०७,६००।– बराबरको बिडी, मोबाईल ग्लास, प्लाष्टिक झिल्ली लगायतका सामानहरु सोमबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।         कञ्चनपुर:- जिल्ला कञ्चनपुर भिमदत्त न.पा. ११ भुजेलाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.५०,७००।– बराबरको मोबाईल कभर, सुट कपडा लगायतका सामानहरु सोमबार इलाका प्रहरी कार्यालय गड्डाचौकी, कञ्चनपुरबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । 

आगलागीबाट विभिन्न धनमाल जलेर नष्ट

    कैलाली:-  जिल्ला कैलारी गा.पा. २ बसौटी बस्ने बाबुराम चौधरीको गोठमा बिजुलीको तार सर्ट भई आईतबार साँझ आगलागी हुँदा अन्दाजी मुल्य रु.१५,००,०००।– ( पन्ध्र लाख ) बराबरको धनमाल जलेर नष्ट भएको हो । आगलागीबाट मानविय तथा चौपाया क्षेती नभएको,  आगलागी स्थानिय, प्रहरी र दमकलको सहयोगमा नियन्त्रणमा आएको हो ।

अबैध लागूऔषध सहित मानिस नियन्त्रणमा

जवरजस्ती करणी गरेको अभियोगमा मानिस पक्राउ

     कैलाली;- १६ वर्षीया बालिकालाई जबरजस्ती करणी गरेको अभियोगमा जिल्ला कैलाली जोशीपुर गा.पा.१ राजीपुर बस्ने बर्ष २६ को मिलन साउँदलाई आईतबार प्रहरीले पक्राउ गरेको छ । साउँदले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय सडकपुर,कैलालीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।