अबैध भन्सार छलिका सामान बरामद

२०८१-०२-१६

A
A^-
A⁺

कैलाली:- मिति २०८१।०२।१५ गते कैलाली जिल्लाको बिभिन्न स्थानहरु धनगढी उ.म.न.पा २ फनपार्क नजिक, ऐ. ३ ट्राफिक चौराह, ऐ. ७ बेलीको जंगल, ऐ. १२ कम्पनीटोल, भजनी न.पा. ६ नवलपुर, ऐ. ७ हिम्मततपुर घाट र ऐ. ८ सोनाफाटाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,२२,५००।– बराबरको प्याज, चिनी, बिडी, सुर्ती, खानेतेल, प्लाष्टिक डोरी, चक्लेट, प्लाष्टिक झिल्ली, छोहरा, सुटपिस लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले फेला पारी नियन्त्रणमा लिएको ।

कञ्चनपुर:- मिति २०८१।०२।१५ गते कञ्चनपुर जिल्लाको बिभिन्न स्थानहरु बेलौरी न.पा.६ नकैया, पुनर्वास न.पा. ६ “ङ” गाउ, लालझाडी गा.पा.३ बल्मी र बेलडाँडी गा.पा.५ मसानघाटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,११,८३०।– बराबरको हार्डवयरको सामान, किरानाको सामान, बिजुलीको सामान, पेय पदार्थ, सुर्ती, अण्डा, नमकिन, पानि चिसो राख्ने जार, मोटरसाईकल थान-१ लगायतका सामानहरु जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले फेला पारी नियन्त्रणमा लिएको ।

सम्बन्धित समाचार

मृत अवस्थामा फेला

२०८३-०२-१४

डडेल्धुरा:- जिल्ला डडेल्धुरा परशुराम न.पा.१२ पन्तुरा खोलाको किनारमा सोही न.पा.६ सरगौणा बस्ने बर्ष ७३ को धन बहादुर कठायत वुधबार साँझ मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।

अबैध लागूऔषध सहित मानिस नियन्त्रणमा

२०८३-०२-१४

कञ्चनपुर:- जिल्ला कञ्चनपुर भिमदत्त न.पा.९ जिरो पोईन्टबाट १ ग्राम ८८० मिलिग्राम लागूऔषध खैरोहेरोइन जस्तो देखिने धुलो पदार्थ सहित ३ जनालाई वुधबार दिउँसो प्रहरीले पक्राउ गरेको छ । पक्राउ पर्नेहरूमा सोही न.पा ७ हल्दुखाल बस्ने बर्ष २७ को मनोज बहादुर सिंह, बर्ष ४८ को उदय भट्ट र बर्ष २९ की हिमा सिंह रहेका छन । इलाका प्रहरी कार्यालय ब्रह्मदेव, कञ्चनपुरबाट खटिएको प्रहरीले टोलीले भारतबाट नेपाल तर्फ आउदै गरेको सु.प.प्र.०२-००४ प ७७५७ नम्बरको मोटरसाइकलमा सवार निजहरु तिनै जनालाई उक्त पदार्थ, मोटरसाइकल सहित पक्राउ गरेको हो ।

आगलागीबाट विभिन्न धनमाल जलेर नष्ट

२०८३-०२-१४

कैलाली:- जिल्ला कैलाली धनगढी उप-महानगरपालिका ५ तारानगर बस्ने नरेन्द्र भट्टको घरमा वुधबार साँझ आगलागी हुँदा टि.भी, लत्ता कपडा, भाडावर्तन, खद्यान्न लगायतका धनमालहरु जलेर नष्ट भएको छ, आगलागीबाट भएको क्षतिको विवरण आउन विवरण आउन वाँकि रहेको । स्थानीय, प्रहरी र दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

फरार प्रतिबादी पक्राउ

२०८३-०२-१४

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको बिभिन्न मितिको फैसलाले कैद सजाय तथा जरिवाना ठहर भई फरार रहेका निम्न प्रतिवादीहरुलाई मिति २०८३।०२।१३ गते जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो ।१. सवारी ज्यान मुद्दामा ३ महिना कैद सजाय तोकिएको मोहन्याल गा.पा.३ बस्ने दिपेन्द्र बहादुर बटला ।२. बन मुद्दामा १५ दिन कैद सजाय र रु.३६,७१५।– जरिवाना तोकिएको बर्दगोरिया गा.पा.६ बस्ने कालु भुल ।३. बन मुद्दामा ६ महिना कैद सजाय र रु.६०,६२४।– जरिवाना तोकिएको घोडाघोडी न.पा.४ बस्ने भुवन रतौली । ४. आत्महत्या दुरुत्साहन मुद्दामा २३ दिन कैद सजाय र रु.३०,०००।– जरिवाना तोकिएको टिकापुर न.पा.१ भगरैया बस्ने भुपेन्द्र चौधरी ।

अबैध भन्सार छलिका सामान नियन्त्रणमा

२०८३-०२-१४

कञ्चनपुर:- जिल्ला कञ्चनपुर बेलौरी न.पा.३ पडाउबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२५,६००।– बराबरको चिनी, विडी, पेय पदार्थ लगायतका सामानहरु वुधबार प्रहरी चौकी टेडुवा, कञ्चनपुरबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

अबैध लागूऔषध सहित मानिस नियन्त्रणमा

२०८३-०२-१३

कैलाली:- जिल्ला कैलाली बर्दगोरिया गा.पा.२ बर्दगोरियाबाट ५०० मिलिग्राम लागूऔषध खैरो हेरोईन जस्तो देखिने धुलो पदार्थ सहित ३ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा सोही न.पा.१ बस्ने बर्ष १९ को रोशन बिश्वकर्मा, १८ वर्षिय किशोर र घोडाघोडी न.पा.६ बस्ने बर्ष १९ को अविशेक साउद रहेका छन । इलाका प्रहरी कार्यालय सडकपुर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।