कैलाली:- मिति २०८१।०२।१६ गते १५:३५ बजेको समयमा जिल्ला कैलाली, गोदावरी न.पा.६ लालपुर चोक स्थित टेक बहादुर साउँदले संचालन गरेको न्यू भुवन हार्डवेयर पसलमा विद्युतको तार सर्ट भई अचानक आगलागी हुँदा सोही ठाउँ स्थित शंकर खड्काले संचालन गरेको भैरव अग्रोभेट पसल र नारायण वलीले संचालन गरको M.J. सुज सेन्टर समेत गरी ३ वटा पसलमा आगो सल्किन गई आगलागी हुँदा अन्दाजी रु. ४२,५०,०००।- बराबरको धनमाल जलेर नष्ट भएको, मानबिय तथा चौपाया क्षती नभएको, आगलागी प्रहरी, स्थानिय र दमकलको सहयोगमा नियन्त्रणमा लिईएको, सो सम्बन्धमा प्रहरीले आवश्यक अनुसन्धान गरिरहेको ।

डोटी:- मिति २०८१।०२।१६ गते ११:१० बजेको समयमा जिल्ला डोटी, पुर्बिचौकी गा.पा.१ साँझघाट स्थित दिल बहादुर खड्काको दुई तले चार कोठे टिनले छाएको घर, पसल र बिष्णु बहादुर खड्काको तिन तले छ कोठे टिनले छाएको होटलमा बिद्युतको तार सर्ट भई आगलागी हुँदा घर, पसल भित्र रहेका नगद, लत्ता कपडा, खुद्रा सामान, कस्मेटिक, भाँडा बर्तन, बाकसमा रहेका कागजपत्रहरु, फर्निचर, काउण्टर,ग्यास चुलो, फ्रिज, LED TV,काठको दराज लगायतका सामनहरु गरी अन्दाजी रु. ४०,००,०००।- बराबरको धनमाल जलेर नष्ट भएको, मानबिय तथा चौपाया क्षती नभएको, आगलागी प्रहरी, स्थानिय र दमकलको सहयोगमा नियन्त्रणमा लिईएको, सो सम्बन्धमा प्रहरीले आवश्यक अनुसन्धान गरिरहेको ।