सुदूरपश्चिम प्रदेश प्रहरी कार्यालय धनगढी कैलाली केनाईन शाखाबाट तालिम प्राप्त कुकुरद्धारा Dog Sniffing गराउदै

२०७९-१०-०९

A
A^-
A⁺

मिति २०७९।१०।०९ गतेका दिन सुदूरपश्चिम प्रदेश प्रहरी कार्यालय धनगढी कैलाली केनाईन शाखाबाट नेपाल-भारत गौरीफन्टा सिमानाकाबाट हुनसक्ने लागु औषध तस्करी र विष्फोटक पदार्थको ओसार पसार नियन्त्रण गर्न तालिम प्राप्त कुकुरद्धारा Dog Sniffing गराउदै नेपाल प्रहरी ।

सम्बन्धित समाचार

अनलाईन ठगी गर्ने गिरोह पक्राउ

२०८०-०८-०७

धनगढी, ७ मंसिर अनलाईन मार्फत ठगी गरेको अभियोगमा धनगढी उपमहानरपालिका-५ तारानगरबाट ५ जना नेपाली नागरिक र ४ जना भारतीय नागरिक गरी जम्मा ९ जनालाई बुधबार साँझ प्रहरीले पक्राउ गरेको छ । पक्राउ पर्नेहरुमा जिल्ला डोटी,शिखर नगरपालिका-१० बस्ने २१ वर्षीय प्रशान्त बलायर, जिल्ला,कञ्चनपुर पुर्नवास नगरपालिका-६ बस्ने २९ वर्षीय मिन बहादुर सुनार, जिल्ला कञ्चनपुर,बेलडाडी गाउँपालिका-२ बस्ने ३० वर्षीय विशाल सुनार, सोही ठाउँ बस्ने २८ वर्षीय कमल सुनार, २२ वर्षीय जयराम सुनार, भारत दिल्ली पालङ्गा बस्ने ३२ वर्षीय अमित कुमार, भारत उत्तमनगर दिल्ली बस्ने २६ वर्षीय कुनाल शर्मा, भारत करोलबाग दिल्ली बस्ने २४ वर्षीय निखिल कुमार र भारत दिल्ली बस्ने १९ वर्षीय प्रिन्सु टापु रहेका छन् । जिल्ला कैलाली,धनगढी उप-महानरपालिका-५ तारानगर स्थित शिवदत्त पाण्डेयको घरमा बिशाल सुनार समेतले अबैध रुपमा आई.टी. सेक्टर सञ्चालन गरी विभिन्न बहानामा मनी लाउण्डरिङ, दुर्घटना बिमा लगायत विषयमा प्रलोभनमा पारी बिशेष गरि पोल्याण्ड लगायतका नागरिकहरुलाई VICIDIAL सफ्टवेयरको प्रयोग गरि अनलाईन ठगी गर्ने गरेको भन्ने सूचनाको आधारमा सुदूरपश्चिम प्रदेश प्रहरी कार्यालय धनगढी, नेपाल प्रहरी प्रदेश कार्यालय महेन्द्रनगर र जिल्ला प्रहरी कार्यालय कैलालीबाट संयुक्त रूपमा खटिएको प्रहरी टोलीले उनीहरूलाई नगद २९ लाख ३२ हजार ३ सय भारतीय रूपैयाँ, ल्यापटप ११ थान, मोबाइल ९ थान, वाईफाई राउटर १, हेडफोन १२ थान र किबोर्ड १ थान सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

मृत अबस्थामा फेला

२०८०-०७-२२

दार्चुला:- जिल्ला दार्चुला, लेकम गा.पा.नं.१ बन्डोली बस्ने दशरथ बिष्टको श्रीमती बर्ष ८० की कुष्मा बिष्ट ऐ.स्थित नौलाबाटा भिरबाट अन्दाजी २०० मिटर तल मंगलबार दिउँसो मृत अवस्थामा फेला परेकी छन् । सोमबार दिउँसो घरबाट हराई बेपत्ता भए पछि स्थानिय र प्रहरीले खोजी गर्ने क्रममा उनको शव फेला परेको हो । यस सम्बन्धमा ईलाका प्रहरी कार्यालय गोकुलेश्वर दार्चुलाबाट आवश्यक अनुसन्धान भईरहेको छ ।

अबैध भन्सार छलीका सामान बरामद

२०८०-०७-२२

कैलाली:- कैलाली जिल्लाको बिभिन्न स्थानहरु धनगढी उ.म.न.पा. २ पुरानो भन्सार नजिकबाट अबैध रुपमा भारतबाट भन्सार छली ल्याएका अन्दाजी मूल्य रु. ७,८७०।- बराबरको चिनी,पानीपुरी,नरिवल,ललिपप,लेडिज सुट लगायतका सामानहरु र धनगढी उ.म.न.पा. ३ पुलिस बोडिङ्ग स्कुल नजिकबाट अन्दाजी मूल्य रु. २५,०००।- बराबरको मिठाई,लेडिज सुट,कुर्ता लगायतका सामानहरु गरि जम्मा अन्दाजी मूल्य रु.३२,८७०।–बराबरको सामानहरु मंगलबार प्रहरी गस्ती टोलीले बेवारिसे अबस्थामा फेला पारी आवश्यक प्रकृया पुरा गरि नियन्त्रणमा लिएको हो । कञ्चनपुर:- जिल्ला कञ्चनपुर, शुक्लाफाँटा न.पा. १० झलारी स्थित सडक किनाराबाट अबैध रुपमा भारतबाट भन्सार छली ल्याएका अन्दाजी मूल्य रु. १२,६००।- बराबरको चिनी,तेल,मिठाई लगायतका सामानहरु मंगलबार प्रहरी गस्ती टोलीले बेवारिसे अबस्थामा फेला पारी आवश्यक प्रकृया पुरा गरि नियन्त्रणमा लिएको हो ।

अरिङ्गालको टोकाईबाट मृत्यु

२०८०-०७-२२

अछाम:- जिल्ला अछाम, चौरपाटी गा.पा.४ पायल बस्ने रबिन्द्र देउकरको श्रीमती ३५ बर्षिय सरस्वती देउकर मंगलबार दिउँसो आफ्नो घर नजिकै रहेको कोदोबारीमा कोदोको नल काट्ने क्रममा शरिर भरी एक्कासी अरिङ्गालले टोकी घाईते भई न्याय हेल्थ अस्पताल बयलपाटा अछाममा उपचारको क्रममा सोही साँझतिर उनको मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।

नहरमा डुबेर मृत्यु

२०८०-०७-२२

कञ्चनपुर:- जिल्ला कञ्चनपुर, शुक्लाफाँटा न.पा.७ बस्ने केशब बोहराको छोरा बर्ष ७ को एलेक्स बोहरा ऐ.बेलौरी न.पा. ९ डांडाकुन्डा स्थित निजको मामाको घर नजिकै रहेको नहरमा डुबेर मंगलबार दिउँसो मृत्यु भएको छ । यस घटनाका सम्बन्धमा ईलाका प्रहरी कार्यालय बेलौरीले आवश्यक अनुसन्धान गरिरहेको छ ।

जुवातास खेलिरहेको अवस्थामा १८ जना पक्राउ

२०८०-०७-२२

डडेल्धुरा:- जिल्ला डडेल्धुरा, अमरगढी न.पा.२ भेल स्थित चन्द्र भण्डारीको पुरानो कुखुरा फर्म भित्र जुवातास खेलिरहेको अवस्थामा सोही ठाँउ बस्ने बर्ष २४ को बिरेन्द्र खडायत समेत ९ जनालाई मंगलबार राती प्रहरीले पक्राउ गरेको छ । बिशेष सूचनाको आधारमा जिल्ला प्रहरी कार्यालय डडेल्धुराबाट खटिएको प्रहरी टोलीले उनीहरूलाई नगद रु. १३,०३५।- (तेह्र हजार पैतिस) र तास ३ गड्डी सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ । अछाम:- जिल्ला अछाम, पञ्चदेवल बिनायक न.पा.३ कागतोला बस्ने बल बहादुर शाहीको बाँझो घरमा जुवातास खेलिरहेको अवस्थामा सोही ठाँउ बस्ने बर्ष ३५ को बिनोद शाही समेत ९ जनालाई मंगलबार राती प्रहरीले पक्राउ गरेको छ । बिशेष सूचनाको आधारमा ईलाका प्रहरी कार्यालय बिनायक अछामबाट खटिएको प्रहरी टोलीले उनीहरूलाई नगद रु. ३६,१००।- र तास ४ गड्डी सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।