कञ्चनपुर:- मिति २०८१।०२।१९ गते १९:३० बजेको समयमा जिल्ला कञ्चनपुर, बेदकोट न.पा.१० सिसैया स्थित पुर्ब बाट पश्चिम तर्फ जादै गरेको सु.प.प्र. ०२००१ क ५१४ नम्बरको टिप्परले सोही दिशा तर्फ आइरहेको साईकल यात्री ऐ. ६ बस्ने बर्ष ५२ को काले सुनारलाई ठक्कर दिदाँ घटनास्थलमै मृत्यु भएको, उक्त  टिप्पर र टिप्पर चालक ऐ. ३ बस्ने बर्ष ३० को दिपक प्रसाद पन्तलाई प्रहरीले नियन्त्रणमा लिई आवश्यक अनुसन्धान गरिरहेको ।

    डडेलधुरा, गन्यापधुरा गाउँपालिका देउपाल सामुदायिक वनस्थित सडकमा बागमती प्रदेश ०१ ००४ क २२५३ नम्बको टिपर सडकबाट करिब ५ सय मिटर तल खसेर शनिबार राति दुर्घटना हुँदा सहचालक अमरगढी नगरपालिका-१ बण्ड बस्ने २२ वर्षीय केशव ऐरको मृत्यु भएको छ । दुर्घटनामा गम्भीर घाइते भएका उनको डडेल्धुरा अस्पतालमा उपचारको क्रममा मृत्यु भएको हो । टिपर चालकको प्रहरीले खोजी गरिरहेको छ ।