फरार प्रतिवादी पक्राउ

२०८१-०२-२१

A
A^-
A⁺

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले चोरी मुद्दामा १ महिना १५ दिन कैद सजाय र रु.५,०००।- जरिवाना ठहर भई फरार रहेका धनगढी उ.म.न.पा.१३ बस्ने बर्ष २५ को रोशन चौधरीलाई जिल्ला प्रहरी कार्यालय कैलालीबाट खटिएको प्रहरी टोलीले मिति २०८१।०२।२० गते ऐ. ५ तारानगर बाट पक्राउ गरि कारागार कार्यालय कैलालीमा दाखिला गरेको ।

सम्बन्धित समाचार

अवैध भन्सार छलिका सामान नियन्त्रणमा

२०८३-०५-२८

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,७६,७१०।– बराबरको बिडी, सुर्ति, गुट्खा, हुक, रबर, बेकरी लगायतका सामानहरु शनिबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

डुवेर वालकको मृत्यु

२०८३-०५-२८

कञ्चनपुर:- जिल्ला कञ्चनपुर बेदकोट न.पा.३ दैजी स्थित नहरमा सोही ठाउँ बस्ने बृख ओखेडाको छोरा वर्ष ८ को साहिल ओखेडा आफन्तले डुवेको अवस्थामा फेला पारी उपचारको लागी महाकाली प्रादेशिक अस्पताल महेन्द्रनगर लगिएकोमा चिकित्सकले चेकजाँच गर्दा शनिबार बेलुकी मृत घोषणा गरेको छ । घटना सम्बन्धमा प्रहरीले अनुसन्धान गरिरहेको छ ।

अबैध लागुऔषध सहित मानिस नियन्त्रणमा

२०८३-०५-२८

कैलाली:- जिल्ला कैलाली टीकापुर न.पा.९ खक्रौलाबाट अवैध लागूऔषध खैरो हिरोइन जस्तो देखिने धुलो पदार्थ १ ग्राम १५० मिलिग्राम सहित सोही न.पा.१ बस्ने वर्ष २८ को आशिष कुमार महतोलाई प्रहरी चौकी कालाकुण्डा, कैलालीबाट खटिएको प्रहरी टोलीले शनिबार बेलुकी शंका लागि चेकजाँच गर्दा उक्त पदार्थ फेला पारी पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

अबैध लागुऔषध सहित मानिस नियन्त्रणमा

२०८३-०५-२७

कैलाली:- जिल्ला कैलाली धनगढी उ.म.न.पा. १५ कनरीबाट अवैध लागूऔषध खैरो हिरोइन जस्तो देखिने धुलो पदार्थ २ ग्राम ६८० मिलिग्राम सहित सोही उ.म.न.पा. ७ बस्ने वर्ष २९ को सुनिल राना र वर्ष ३२ को प्रकाश रानालाई जिल्ला प्रहरी कार्यालय कैलाली समेतबाट खटिएको प्रहरीले शुक्रबार साँझ से ४ प ३९९ नम्बरको मोटरसाइकलमा सवार निजहरुलाई शंका लागि चेकजाँच गर्दा उक्त पदार्थ फेला पारी पक्राउ गरेको छ । यसैगरी, जिल्ला कैलाली धनगढी उ.म.न.पा.४ बसपार्कबाट अवैध लागूऔषध ब्राउनसुगर जस्तो देखिने धुलो पदार्थ १ ग्राम ६४० मिलिग्राम सहित जिल्ला अछाम साँफेबगर न.पा.७ बस्ने वर्ष २० को अभिजन भाटलाई अस्थायी प्रहरी पोष्ट बसपार्क, कैलालीबाट खटिएको प्रहरी टोलीले शुक्रबार राति शंका लागि चेकजाँच गर्दा उक्त पदार्थ फेला पारी पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

भरुवा वन्दुक बरामद

२०८३-०५-२७

अछाम:- जिल्ला अछाम साँफेबगर न.पा.२ श्रीकोट स्थित तपसीझाड जँगलको खोल्सामा फँलाटको रुखमुनी लुकाई छिपाई राखेको भरुवा बन्दुक नाल-१ शुक्रबार दिउँसो इलाका प्रहरी कार्यालय साँफेबगर, अछामबाट खटिएको प्रहरी टोलीले बेवारिसे अवस्थामा फेला पारी बरामद गरेको छ । यस सम्बन्धमा प्रहरीले अनुसन्धान गरिरहेको छ ।

अवैध भन्सार छलिका सामान नियन्त्रणमा

२०८३-०५-२७

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.७५,८००।– बराबरको चिनी, चना, पानिपुरी, प्लाष्टिक झिल्ली लगायतका सामानहरु शुक्रबार जिल्ला प्रहरी कार्यालय कैलाली मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- कञ्चनपुर जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,०७,८३५।– बराबरको पेय पदार्थ, चिनी, किराना लगायतका सामानहरु शुक्रबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।