फरार प्रतिवादी पक्राउ

२०८१-०२-२१

A
A^-
A⁺

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले चोरी मुद्दामा १ महिना १५ दिन कैद सजाय र रु.५,०००।- जरिवाना ठहर भई फरार रहेका धनगढी उ.म.न.पा.१३ बस्ने बर्ष २५ को रोशन चौधरीलाई जिल्ला प्रहरी कार्यालय कैलालीबाट खटिएको प्रहरी टोलीले मिति २०८१।०२।२० गते ऐ. ५ तारानगर बाट पक्राउ गरि कारागार कार्यालय कैलालीमा दाखिला गरेको ।

सम्बन्धित समाचार

अबैध लागूऔषध सहित मानिस पक्राउ

२०८२-१०-२६

कैलाली:- जिल्ला कैलाली धनगढी उ.म.न.पा.१३ राजपुरबाट ३७० मिलिग्राम लागूऔषध खैरो हेरोईन जस्तो देखिने धुलो पदार्थ सहित सोही उ.म.न.पा. १ बस्ने बर्ष २९ को दिनश बि.क.लाई आईतबार साँझ प्रहरीले पक्राउ गरेको हो । प्रहरी चौकी कैलालीगाँउ, कैलालीबाट खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि पक्राउ गरेको हो । यसैगरी, जिल्ला कैलाली लम्कीचुहा न.पा.१ लम्की बजारबाट ११० मिलिग्राम लागूऔषध खैरो हेरोईन जस्तो देखिने धुलो पदार्थ सहित सोही ठाउँ बस्ने बर्ष १९ को प्रेम बि.क. लाई आईतबार साँझ प्रहरीले पक्राउ गरेको हो । इलाका प्रहरी कार्यालय लम्की, कैलालीबाट खटिएको प्रहरी टोलीले बाटोमा संकास्पद रुपमा पैदल हिडिरहेको अवस्थामा चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि पक्राउ गरेको हो । यसैगरी, जिल्ला कैलाली टिकापुर न.पा.९ खक्रौलाबाट १ ग्राम ३९० मिलिग्राम लागूऔषध खैरो हेरोईन जस्तो देखिने धुलो पदार्थ सहित सोही न.पा. ८ बस्ने बर्ष १९ को धनराज बुढा र १५ बर्षिय किशोरलाई आईतबार साँझ प्रहरीले पक्राउ गरेको हो । इलाका प्रहरी कार्यालय टिकापुर र प्रहरी चौकी कालाकुण्डा, कैलालीबाट संयुक्त रुपमा खटिएको प्रहरी टोलीले शंका लागि चेकजाँच गर्दा निजहरुको साथबाट उक्त पदार्थ फेला पारी, आवश्यक प्रक्रिया पुरा गरि पक्राउ गरेको हो ।

स्रोत नखुलेको नगद सहित एक जना पक्राउ

२०८२-१०-२६

कैलाली:- जिल्ला कैलाली टीकापुर न.पा.९ खक्रौलाबाट स्रोत नखुलेको नगद ६,२३,०००।- (छ लाख तेईस हजार) नेपाली रूपैयाँ सहित देश भारत जिल्ला लखिमपुर बस्ने बर्ष ३० को योगेश कुमारलाई आइतबार साँझ प्रहरीले पक्राउ गरेको छ । इलाका प्रहरी कार्यालय टिकापुर र प्रहरी चौकी कालाकुण्डा, कैलालीबाट खटिएको प्रहरीले भारतबाट नेपालतर्फ आँउदै गरेको यु.पी. ३१ बि.एफ. ७१६१ नम्बरको भारतिय नम्बर प्लेटको मोटरसाइकलमा सवार उनलाई उक्त नगद सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८२-१०-२६

कञ्चनपुर:- जिल्ला कञ्चनपुर भिमदत्त न.पा. ११ भुजेलाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,०२,०४०।– बराबरको हाडवेयर, किराना लगायतका सामानहरु आईतबार दिउँसो इलाका प्रहरी कार्यालय गड्डाचौकी, कञ्चनपुरबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि आवश्यक कारवाहीको लागि भन्सार कार्यालय गड्डाचौकी पठाएको हो ।

अबैध भन्सार छलिका सामान नियन्त्रणमा

२०८२-१०-२५

कैलाली:- कैलाली जिल्लाको बिभिन्न स्थानहरु धनगढी उ.म.न.पा.२ बङ्गाकटान र टीकापुर न.पा.६ भरतापुरबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३०,४४०।– बराबरको चिनी, बिडी, सरप, मिल्क पाउडर लगायतका सामानहरु शनिबार जिल्ला प्रहरी कार्यालय कैलाली मातहत कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

जबरजस्ती करणी गरेको अभियोगमा पक्राउ

२०८२-१०-२५

कैलाली:- १५ वर्षीया बालिकालाई जबरजस्ती करणी गरेको अभियोगमा देश भारत जिल्ला उत्तर प्रदेश लखिमपुर तिकुनिया घर भई हाल जिल्ला कैलाली, बर्दगोरिया गा.पा.२ बस्ने बर्ष ५३ को साहिद अलीलाई शनिबार साँझ प्रहरीले पक्राउ गरेको हो । साहिदले ती बालिकालाई राजकुला सामुदायिक वनको जंगलमा लगि जबरजस्ती करणी गरेको भन्ने उजुरीको आधारमा इलाका प्रहरी कार्यालय सडकपुर बौनिया, कैलालीबाट खटिएको प्रहरीले उनलाई पक्राउ गरेको हो ।

अबैध लागूऔषध सहित मानिस पक्राउ

२०८२-१०-२५

कञ्चनपुर:- जिल्ला कञ्चनपुर बेदकोट न.पा.२ बसन्थला स्थित किराना पसलमा लागूऔषधको कारोबार भई रहेको छ भन्ने गोप्य सूचनाको आधारमा सोही न.पा.१ बस्ने बर्ष २४ को धिरु चन्द समेत चार जनालाई १ ग्राम ७० मिलिग्राम लागूऔषध खैरो हेरोईन जस्तो देखिने धुलो पदार्थ सहित शनिबार राती प्रहरीले पक्राउ गरेको हो । अस्थायी प्रहरी बिट चम्फापुर, कञ्चनपुरबाट खटिएको प्रहरी टोलीले चेकजाँच गर्दा उक्त पदार्थ फेला पारी आवश्यक प्रक्रिया पुरा गरि निजहरु चारै जनालाई पक्राउ गरेको हो ।