कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको बिभिन्न मितिको फैसलाले जरीवाना ठहर भई फरार रहेका निम्न मुद्दाका निम्न प्रतिवादीहरुलाई मिति २०८१।०२।२१ गते जिल्ला प्रहरी कार्यालय कैलाली तथा मातहत प्रहरी कार्यालयबाट खटिएको प्रहरी टोलीले पक्राउ गरेको ।

 १. चोरी मुद्दामा २ बर्ष कैद सजाय ठहर भएकी धनगढी उ.म.न.पा.२ बस्ने बर्ष ३५ की बिमला खड्का ।

 २. चोरी मुद्दामा १ महिना कैद सजाय र रु.५,०००।– जरिवाना ठहर भएका उ.म.न.पा.१३ बस्ने मोहन खाती ।

 ३. बन मुद्दामा रु.११,६८०।– जरिवाना ठहर भएका टीकापुर न.पा.१ बस्ने वर्ष ३८ को महेन्द्र बि.क. ।

   बाजुरा:- फैसला कार्यान्वयनको सिलसिलामा सम्मानित जिल्ला अदालत बाजुराको फैसलाले बिबाह सम्बन्धी कसूर (बहुविवाह) मुद्दामा ११ महिना ७ दिन कैद सजाय र रु.१०,०००।- जरिवाना ठहर भई फरार रहेका बडिमालिका न.पा.७ बस्ने बर्ष २८ को मन बहादुर बि.क.लाई जिल्ला प्रहरी कार्यालय बाजुराबाट खटिएको प्रहरी टोलीले मिति २०८१।०२।२१ गते  निजकै घर ठेगानाबाट  पक्राउ गरी  सम्मानित जिल्ला अदालत बाजुरा समक्ष गरेको ।