मृत अवस्थामा फेला

२०८१-०२-२६

A
A^-
A⁺

बैतडी:- मिति २०८१।०२।२५ गते १९:०० बजेको समयमा जिल्ला बैतडी, डिलासैनि गा.पा.६ बाङ्गाबगर स्थित सतबाँज गोकुले सडक खण्डबाट अन्दाजी १५/२० मिटर टाढा जिल्ला दार्चुला, लेकम गा.पा.१ बित्थड बस्ने बर्ष अन्दाजी ५०/५५ को तिखुरे खत्री पानीको खाल्टोमा मृत अवस्थामा फेला परेका, सो सम्बन्धमा इलाका प्रहरी कार्यालय पाटन, बैतडीबाट आवश्यक अनुसन्धान भइरहेको ।

सम्बन्धित समाचार

करेन्ट लागेर वालिकाको मृत्यु

२०८३-०५-२०

दार्चुला:- जिल्ला दार्चुला शैल्यशिखर न.पा.८ देवल बस्ने पुष्पराज जोशीको ३ वर्षिया छोरी प्रिन्सा जोशी घरको कोठामा रहेको बिद्युतको पलकको प्वाल भित्र औला हाल्दा करेन्ट लागेर घाइते भई उपचारको लागि गोकुलेश्वर अस्पताल दार्चुला लगिएकोमा उपचारको क्रममा शुक्रबार दिउँसो मृत्यु भएको छ । यस सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०५-२०

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,२६,४००।– बराबरको कुर्ति, साडी, धोती, सुटपिस, प्लाष्टिक झिल्ली, बोइलर कुखुरा लगायतका सामानहरु शुक्रबार जिल्ला प्रहरी कार्यालय कैलाली मातहतबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- कञ्चनपुर जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.३०,१९,४४०।– बराबरको सुर्ति, विभिन्न कम्पनिका मोवाइलका डिस्प्ले, बिस्कुट, प्लाष्टिक झिल्ली, भारतीय नम्बरको स्कारपिओ, मोटरसाइकल थान-१ लगायतका सामानहरु शुक्रबार जिल्ला प्रहरी कार्यालय कञ्चनपुर तथा मातहतबाट खटिएको प्रहरी टोलीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

फरार प्रतिवादी पक्राउ

२०८३-०५-१९

दार्चुला:- फैसला कार्यान्वयनको सिलसिलामा सम्मानित जिल्ला अदालत दार्चुलाको मिति २०८३।०१।२३ गतेको फैसलाले जुवातास मुद्दामा २७ दिन कैद सजाय र रु.२००।- (दुई सय) जरिवाना तोकिएको महाकाली न.पा.०४ बस्ने वर्ष २९ को अशोक सिंह कुवरलाई जिल्ला प्रहरी कार्यालय दार्चुलाबाट खटिएको प्रहरी टोलीले बिहीबार दिउँसो पक्राउ गरेको छ ।

अबैध भन्सार छलिका सामान नियन्त्रणमा

२०८३-०५-१९

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,४५,२५०।– बराबरको चिनी, बिडी, सुर्ति, चियापत्ति, कुर्ति, सुटपिस लगायतका सामानहरु बिहीबार जिल्ला प्रहरी कार्यालय कैलाली तथा मातहतबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

भरुवा बन्दुक सहित मानिस पक्राउ

२०८३-०५-१९

अछाम:- जिल्ला अछाम मेल्लेख गा.पा.६ सिमसेली बस्ने वर्ष ३३ को भिम बहादुर खत्रीले आफ्नै गाई गोठमा भरुवा बन्दुक लुकाई छिपाई राखेको अवस्थामा बिहीबार दिउँसो इलाका प्रहरी कार्यालय साँफेबगर, अछामबाट खटिएको प्रहरी टोलीले निजको घरगोठमा खानतलासी गर्दा उक्त बन्दुक फेला पारी बन्दुक सहित निजलाई पक्राउ गरेको छ । यस सम्बन्धमा प्रहरीले थप अनुसन्धान गरिरहेको छ ।

अबैध लागुऔषध सहित मानिस नियन्त्रणमा

२०८३-०५-१९

कैलाली:- जिल्ला कैलाली धनगढी उ.म.न.पा.७ मोति चोकबाट अवैध लागूऔषध ब्राउनसुगर जस्तो देखिने धुलो पदार्थ १८० मिलिग्राम सहित सोही उ.म.न.पा.१५ बस्ने वर्ष २२ को राधेश्याम चौधरीलाई जिल्ला प्रहरी कार्यालय कैलालीबाट खटिएको प्रहरी टोलीले बिहीबार दिउँसो शंका लागि चेकजाँच गर्दा उक्त पदार्थ फेला पारी पक्राउ गरेको छ । यसैगरी, जिल्ला कैलाली धनगढी उ.म.न.पा.८ कान्तिपुर टोलबाट अवैध लागूऔषध ब्राउनसुगर जस्तो देखिने धुलो पदार्थ १ ग्राम ६६० मिलिग्राम सहित सोही ठाउँ बस्ने वर्ष १९ प्रबत चौधरी, कैलारी गा.पा.५ बस्ने वर्ष २० को सुजित चौधरी र ऐ. बस्ने वर्ष ४२ को श्याम बहादुर चौधरीलाई जिल्ला प्रहरी कार्यालय कैलालीबाट खटिएको प्रहरी टोलीले बिहीबार बेलुकी शंका लागि चेकजाँच गर्दा उक्त पदार्थ फेला पारी पक्राउ गरेको छ ।