कञ्चनपुर:- मिति २०८१।०२।२८ गते १४:३० बजेको समयमा जिल्ला कञ्चनपुर, भिमदत्त न.पा. १८ जानकी टोलमा लागू औषधको कारोबार तथा सेवन भई रहेको भन्ने गोप्य सुचनाको आधारमा सोही ठाउँ बस्ने १८ बर्षिय किशोरको घरको कोठामा खानतलासी गर्दा भेन्टीलेसनमा लुकाई छिपाई राखेको अवस्थामा ०.१५ ग्राम लागू औषध खैरो हेरोईन जस्तो देखिने धुलो पदार्थ सहित निज १८ बर्षिय किशोर र ऐ. वडा नं. ४ बस्ने १८ बर्षिय किशोर समेत दुइ जनालाई  नियन्त्रणमा लिईएको, सो सम्वन्धमा थप अनुसन्धान भईरहेको ।

    यसैगरी,  मिति २०८१।०२।२८ गते १९:०० बजेको समयमा जिल्ला कञ्चनपुर, भिमदत्त न.पा. १८ जानकी टोल स्थित लागू औषधको कारोबार भईरहेको भन्ने गोप्य सुचनाको आधारमा बर्ष २८ को शंकर दत्त जोशीको घरको कोठामा खानतलासी गर्दा फेनारगन ६६ पिस र ऐक्सो जेसिक ६१ पिस सहित निज शंकर दत्त जोशी  र सोही ठाउँ वस्ने बर्ष २१ को ईमानुयल राइ समेत दुइ जनालाई नियन्त्रणमा लिईएको, थप अनुसन्धान भईरहेको ।