कञ्चनपुर:- मिति २०८१।०३।२४ गते ००:५० बजेको समयमा जिल्ला कञ्चनपुर, कृष्णपुर न.पा.१ मोती स्थित दिदी जमुना महराको घरमा बस्दै आएकी संगिता धानुकको ७ महिनाको छोरा सोलु धानुकको पलङबाट कोठामा बर्षातको पानी भरिएको ठाँउमा खसी मृत्यु भएको ।

   यसैगरी, मिति २०८१।०३।२४ गते १३:०० बजेको समयमा जिल्ला कञ्चनपुर, पुर्नबास न.पा. ५ “ग” गाउँ नयाँकटान स्थित सोही ठाउँ बस्ने बर्ष १५ की लक्ष्मी बोगटी, बर्ष १६ की सिर्जना बोगटी र बर्ष १७ की आरती बोगटी खेल्ने क्रममा पानीमा डुबी बेपत्ता भएको भन्ने खबर प्राप्त हुना साथ इलाका प्रहरी कार्यालय त्रिभुवनबस्ती, कञ्चनपुरबाट प्रहरी र सशस्त्र प्रहरी सहितको संयुक्त टोली खटि गई खोजतलास गर्दा लक्ष्मी बोगटी र सृजना बोगटी १५:०० बजेको समयमा अन्दाजी २०/२५ मिटर तल मृत अवस्थामा फेला पारेको, आरती बोगटीको खोजतलास भईरहेको, हालसम्म लाश फेला नपरेको,  सो सम्बन्धमा प्रहरीले आवश्यक अनुसन्धान गरिरहेको ।