अबैध भन्सार छलिका सामान बरामद

२०८१-०३-२६

A
A^-
A⁺

कैलाली:- मिति २०८१।०३।२५ गते २१:२० बजेको समयमा जिल्ला कैलाली, धनगढी उ.म.न.पा.२ ट्राफिक चौराहा नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१९,२००।– बराबरको प्याज, चिनी, मिश्री, छाता, पास्ता, कुर्ती सेट, प्लाष्टिक झिल्ली लगायतका सामानहरु जिल्ला प्रहरी कार्यालय कैलालीबाट खटिएको प्रहरी गस्ती टोलीले वेवारिसे अवस्थामा फेला पारी नियन्त्रणमा लिएको ।

कञ्चनपुर:- मिति २०८१।०३।२५ गते १०:३० बजेको समयमा जिल्ला कञ्चनपुर, भिमदत्त न.पा.६ सुकासालबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,०७,८००।– बराबरको पेय पदार्थ, स्किन साईन, लोटस नेचुरल, क्रिम, डफ (पार्लरका सामान) लगायतका सामानहरु जिल्ला प्रहरी कार्यालय कञ्चनपुरबाट खटिएको प्रहरी गस्ती टोलीले वेवारिसे अवस्थामा फेला पारी आवश्यक प्रक्रिया पुरा गरि कारवाहिका लागी भन्सार कार्यालय गड्डाचौकी कञ्चनपुरमा पठाएको ।

सम्बन्धित समाचार

मोटरसाइकल दुर्घटना हुँदा चालकको मृत्यू

२०८२-१२-२०

कैलाली:- जिल्ला कैलाली टीकापुर न.पा.१ बनकार्यालय स्थित डुडेझारी सडक खण्डमा सु.प.प्र.०१-००९ प ६७७८ नम्बरको मोटरसाइकल अनियन्त्रित भई विहीबार राति दुर्घटना हुँदा मोटरसाइकल चालक सोही ठाउँ बस्ने बर्ष ३५ को रमेश शाहीको मृत्यु भएको छ । दुर्घटनामा गम्भीर घाइते भएका उनलाई टिकापुर अस्पताल टिकापुर लगिएकोमा चिकित्सकले चेकजाँच गर्दा मृत घोषणा गरेको हो । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।

अबैध लागूऔषध सहित मानिस नियन्त्रणमा

२०८२-१२-२०

कैलाली:- जिल्ला कैलाली धनगढी उ.म.न.पा.४ उत्तरवेहडीबाट ११० मिलिग्राम लागूऔषध खैरो हेरोईन जस्तो देखिने धुलो पदार्थ र ६९० मिलिग्राम लागूऔषध चरेश जस्तो देखिने कालो पदार्थ सहित सोही ठाउँ बस्ने बर्ष २१ को अर्जुन नाथ योगीलाई विहीबार दिउँसो प्रहरीले पक्राउ गरेको हो । वडा प्रहरी कार्यालय धनगढी र लागूऔषध नियन्त्रण व्युरो शाखा कार्यालय धनगढीबाट संयुक्त रुपमा खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि उक्त पदार्थ सहित निजलाई पक्राउ गरेको हो ।

अबैध भन्सार छलिका सामान नियन्त्रणमा

२०८२-१२-१९

कैलाली:- कैलाली जिल्लाको बिभिन्न स्थानहरु धनगढी उ.म.न.पा.१९ लल्लिपुरघाट र खेदाघाट, भजनी न.पा.३ जवलपुर, ऐ.५ कालिका सामुदायीक बन र टिकापुर न.पा.८ श्रीलङकाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.७,३७,४२०।– बराबरको बिडी, सुर्ति, बिभिन्न किसिमका बिजुलीका सामान, लेडिज कुर्ता सुरवाल, कुर्ती, मोविल, सिद्रा माछा, मोटरसाइकल थान-१ लगायतका सामानहरु वुधबार सुदूरपश्चिम प्रदेश प्रहरी कार्यालय धनगढी तथा जिल्ला प्रहरी कार्यालय कैलाली मातहत प्रहरी कार्यालय हरुबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- जिल्ला कञ्चनपुर बेलौरी न.पा.१ खल्लाबाट अबैंध रुपमा भन्सार छलि गरि ल्याएका अन्दाजी मूल्य रु.४१,५००।-बराबरको पिस्टल, ग्यास्केट, सिलिण्डर हेड ग्यास्केट लगायतका सामानहरु वुधबार दिउँसो प्रहरी चौकी फटैया, कञ्चनपुरबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

फरार प्रतिबादी पक्राउ

२०८२-१२-१९

कञ्चनपुर :- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०६०।१०।१२ गतेको फैसलाले जारि मुद्दामा १ महिना १५ दिन कैद सजाय र रु.१,५००।– जरिवाना तोकिएकी जिल्ला कञ्चनपुर, पुनर्वास न.पा.११ डोकेबजार बस्ने वर्ष ६५ की मैया गुरुङलाई प्रहरी चौकी परासन, कञ्चनपुरबाट खटिएको प्रहरी टोलीले वुधबार निजकै घर ठेगानाबाट पक्राउ गरेको हो ।

जुवातास खेलिरहेको अवस्थामा ८ जना पक्राउ

२०८२-१२-१९

कैलाली:- जिल्ला कैलाली धनगढी उ.म.न.पा.२ बाट सोही उप-महानगरपालिका ४ वस्ने बर्ष ६७ को पुष्प राज पन्त सहित ८ जनालाई जुवातास खेलिरहेको वुधबार साँझ प्रहरीले पक्राउ गरेको छ । जुवातास खेलिरहेका छन भन्ने गोप्य सुचनाको आधारमा वडा प्रहरी कार्यालय धनगढी, कैलालीबाट खटिएको प्रहरीले निजहरूलाई नगद रु.५७,१७०।– र २ गड्डी तास, सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

डुबी बेपत्ता

२०८२-१२-१८

बैतडी:- मिति २०८२।१२।१७ गते जिल्ला बैतडी पञ्चेश्वर गा.पा.४ बन्ना बस्ने वर्ष ६४ को कृष्ण चन्द ऐ. हल्दुघाट स्थित महाकाली नदिमा नुहाउने क्रममा बगेर बेपत्ता भएको हो, निजको खोजतलास भईरहेको छ ।