अबैध भन्सार छलिका सामान बरामद

२०८१-०३-२७

A
A^-
A⁺

कैलाली:- मिति २०८१।०३।२६ गते कैलाली जिल्लाको बिभिन्न स्थानहरु धनगढी उ.म.न.पा.- २ ब्यारेल र कैलारी गा.पा. ४ धितरियाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.५४,७६०।– बराबरको प्याज, साबुन, जुत्ता, पेन्ट, कुर्ती सुरवाल, गाडीको लुकिङ ग्लास, माछा, बोईलर कुखुरा लगायतका सामानहरु जिल्ला प्रहरी कार्यालय कैलाली मातहत कार्यालयबाट खटिएको प्रहरी गस्ती टोलीले वेवारिसे अवस्थामा फेला पारी नियन्त्रणमा लिएको ।

कञ्चनपुर:- मिति २०८१।०३।२६ गते १०:३० बजेको समयमा जिल्ला कञ्चनपुर, पुनर्वास न.पा.१० बिकाशबस्तिबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२१,०००।– बराबरको माछा इलाका प्रहरी कार्यालय त्रिभुवनबस्ती, कञ्चनपुरबाट खटिएको प्रहरी गस्ती टोलीले वेवारिसे अवस्थामा फेला पारी आवश्यक प्रक्रिया पुरा गरि नष्ट गरेको ।

सम्बन्धित समाचार

फरार प्रतिबादी पक्राउ

२०८३-०२-२६

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको बिभिन्न मितिको फैसलाले कैद सजाय तथा जरिवाना ठहर भई फरार रहेका निम्न प्रतिवादीहरुलाई मिति २०८३।०२।२५ गते जिल्ला प्रहरी कार्यालय कैलालीबाट खटिएको प्रहरीले पक्राउ गरेको हो ।१. सवारी ज्यान मुद्दामा ६ महिना कैद सजाय र रु.४,०००।– जरिवाना तोकिएको घोडाघोडी न.पा.१ बस्ने खडक रेश्मी मगर ।२. सवारी ज्यान मुद्दामा २ महिना कैद सजाय तोकिएको शुक्लाफाँटा न.पा. १० बस्ने खेमराज जोशी । ३. लागूऔषध मुद्दामा १ वर्ष कैद सजाय र रु.५,०००।– जरिवाना तोकिएको जिल्ला बझाङ वित्थडचिर गा.पा.२ बस्ने धन वहादुर बोहरा ।

अबैध भन्सार छलिका सामान नियन्त्रणमा

२०८३-०२-२६

कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा.११ चौकीसत्ता र ऐ.१७ बाँसखेडाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,२२,०००।– बराबरको हेडफोन, स्पिकर, जेमेक्ट्रीबक्स, कपी, भारतिय नम्बरको मोटरसाइकल लगायतका सामानहरु सोमबार जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कैलाली:- जिल्ला कैलाली धनगढी उ.म.न.पा.३ सिसा पोष्ट नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.७९,९००।– बराबरको वाल पेपर रोल, ग्रास कार्पेट, व्यानर, फ्रेम लगायतका सामानहरु सोमबार जिल्ला प्रहरी कार्यालय कैलालीबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

खेत जोत्दा ट्याक्टर पल्टिएर मृत्यु

२०८३-०२-२६

कैलाली:- जिल्ला कैलाली लम्किचुहा न.पा.६ गप्का स्थित सोही ठाउँ वस्ने बर्ष ५० को रामलाल थारुले से २ त ३८०२ नम्बरको ट्याक्टरले आफ्नै ससुरालिको खेत जोतिरहेको अवस्थामा उक्त ट्याक्टर पल्टिन गई ट्याकटरले च्यापिई सोमबार दिउँसो घटनास्थलमा नै मृत्यु भएको हो । घटना सम्वन्धमा प्रहरीले अनुसन्धान गरिरहेको छ ।

मृत अवस्थामा फेला

२०८३-०२-२६

कैलाली:- जिल्ला कैलाली गौरीगंगा न.पा.४ राजिपुर स्थित भित्रि सडक खण्डमा सोही ठाउँ बस्ने बर्ष ४५ को देवराज पाण्डेय सडकको बायाँ तर्फ किनारमा सोमबार दिउँसो मृत अवस्थामा फेला परेका छन् । घटना सम्बन्धमा प्रहरीले आवश्यक अनुसन्धान गरिरहेको छ ।

जबरजस्ती करणी गरेको अभियोगमा पक्राउ

२०८३-०२-२५

कैलाली :- १८ वर्षीया वालिकालाई मिति २०८३।०२।२१ गते राति सोही ठाउँ स्थित खेतवारीमा जबरजस्ती करणी गरेको अभियोगमा धनगढी उप-महानगरपालिका १६ बेहडाबाबा बस्ने बर्ष २१ को प्रदिप चन्द समेत ३ जनालाई आईतबार दिउँसो प्रहरीले पक्राउ गरेको छ । निजहरु तिनै जनाले ती वालिकालाई जबरजस्ती करणी गरेको भनि वालिकाको आफन्तले दिएको उजुरीको आधारमा अस्थायी प्रहरी पोष्ट बेहडाबाबा, कैलालीबाट खटिएको प्रहरीले निजहरुलाई आईतबार दिउँसो पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

घरको छतबाट लडेर मृत्यु

२०८३-०२-२५

कैलाली:- जिल्ला कैलाली, धनगढी उ.म.न.पा.२ मिलनचोक बस्ने बर्ष ३१ को गोपाल साउद आईतबार दिउँसो आफ्नै तिन तले घरको घतबाट लडेर गम्भिर घाइते भई उपचारको लागि मायामेट्रो अस्पताल धनगढी लगिएकोमा उपचारको क्रममा आईतबार साँझ मृत्यु भएको हो । सो सम्बन्धमा आवश्यक अनुसन्धान भइरहेको ।