अबैध भन्सार छलिका सामान बरामद

२०८१-०४-३०

A
A^-
A⁺

कैलाली:- मिति २०८१।०४।२९ गते कैलाली जिल्लाको बिभिन्न स्थानहरु धनगढी उ.म.न.पा. २ ट्राफिक चौराहा, ऐ.३ मिलन चोक, ऐ.१७ पटेला, टीकापुर न.पा.९ खैरीपुर, भजनी न.पा.९ पहवान र गन्जहुवाको जंगलबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १०,५७,५६७।– बराबरको चिनी, खाने तेल, बिडी, सुर्ती, भाँडाकुँडा, कस्मेटिक समान, किराना समान, सुटपिस सारी, राधे राधे गम्छा, चेक गम्छा, सादा गम्छा, टिकटक कुर्ती, कुर्ती, धोती, मोबाइलका बिभिन्न पार्ट पुर्जाहरु, टर्च लाईट, पावर बैंक, साइकल लगायतका सामानहरु सुदूरपश्चिम प्रदेश प्रहरी कार्यालय धनगढी, नेपाल प्रदेश प्रहरी कार्यालय महेन्द्रनगर र जिल्ला प्रहरी कार्यालय कैलाली तथा मातहत कार्यालयबाट संयुक्त रुपमा खटिएको प्रहरी टोलीले वेवारिसे अवस्थामा फेला पारी नियन्त्रणमा लिएको ।

कञ्चनपुर:- मिति २०८१।०४।०२९ गते कञ्चनपुर जिल्लाको बिभिन्न स्थानहरु बजे भिमदत्त न.पा. ५ कालिका पुल नजिक, ऐ.१२ भाइरल रोड र १७ बाँसखेडाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३,११,३५०।– बराबरको पेन्ट, ग्यालेण्डर, कब्जा, बोल्ड, JONA LED,स्टिलका भाँडाकुडा, फुटबल सुज, छापाखानामा प्रयोग हुने मसि, भारतिय नम्बर प्लेटको मोटरसाइकल लगायतका सामानहरु जिल्ला प्रहरी कार्यालय कञ्चनपुर तथा कार्यालयबाट खटिएको प्रहरी गस्ती टोलीले वेवारिसे अवस्थामा फेला पारी नियन्त्रणमा लिएको ।

सम्बन्धित समाचार

जुवातास खेलिरहेको अवस्थामा ६ जना पक्राउ

२०८३-०३-२५

कञ्चनपुर:- जिल्ला कञ्चनपुर भिमदत्त न.पा.३ ब्रह्मदेव चोक जिरो प्वाइन्ट नजिक शुक्लाफाँटा न.पा.५ बस्ने बर्ष २९ को सुरेन्द्र प्रसाद जोशीले संचालन गरेको चिया नास्ता पसलबाट जुवातास खेलिरहेको अवस्थामा निज सुरेन्द्र प्रसाद जोशी सहित ६ जनालाई वुधबार साँझ प्रहरीले पक्राउ गरेको छ । जुवातास खेलिरहेका छन भन्ने सूचनाको आधारमा वडा प्रहरी कार्यालय महेन्द्रनगर, कञ्चनपुरबाट खटिएको प्रहरीले निजहरूलाई नगद रु.२२,५९०।– र १ गड्डी तास सहित पक्राउ गरेको हो । यस सम्बन्धमा प्रहरीले अनुसन्धान गरिरहेको छ ।

फरार प्रतिबादी पक्राउ

२०८३-०३-२५

कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०७४।०५।२० गतेको फैसलाले विना इजाजत वन पैदावार हटायो तथा ओसारपोसार गरेको मुद्दामा १० महिना कैद सजाय तोकिएको पुनर्वास न.पा.२ बस्ने बर्ष ४२ को जय राम चौधरीलाई इलाका प्रहरी कार्यालय बेलौरी, कञ्चनपुरबाट खटिएको प्रहरीले वुधबार निजकै घर ठेगानाबाट पक्राउ गरेको हो ।

अबैध भन्सार छलिका सामान नियन्त्रणमा

२०८३-०३-२५

कैलाली:- कैलाली जिल्लाको विभिन्न स्थानहरु धनगढी उ.म.न.पा.३ ट्राफिक चौराह, भजनी न.पा.५ ठेकीपुल र हलौनाघाटबाट अबैंध रुपमा भारतबाट भन्सार छलि गरी ल्याएका अन्दाजी मूल्य रु.१,१८,६५०।– बराबरको बिडी, सुर्ति, पेय पदार्थ, ल्वाङ, सुकमेल, कुर्ति, सुटपिस, सिद्रा माछा, प्लाष्टिक झिल्ली लगायतका सामानहरु वुधबार जिल्ला प्रहरी कार्यालय कैलाली मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- जिल्ला कञ्चनपुर बेलौरी न.पा.६ भुराकोटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३३,०००।– बराबरको चिनी, प्लाष्टिक झिल्ली लगायतका सामानहरु वुधबार दिउँसो इलाका प्रहरी कार्यालय बेलौरी, कञ्चनपुरबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

भरुवा वन्दुक बरामद

२०८३-०३-२५

कैलाली:- जिल्ला कैलाली कैलारी गा.पा.५ पवेरा सामुदायिक वन भित्र लुकाई छिपाई राखेको बेबारिसे अवस्थामा एक नाले भरुवा बन्दुक १ थान वुधबार बेलुकी प्रहरीले बरामद गरेको छ । गोप्य सूचनाको आधारमा जिल्ला प्रहरी कार्यालय कैलाली समेतबाट खटिएको प्रहरीले उक्त भरुवा बन्दुक फेला पारी बरामद गरेको हो । यस सम्बन्धमा प्रहरीले थप अनुसन्धान गरिरहेको छ ।

अबैध लागूऔषध सहित मानिस नियन्त्रणमा

२०८३-०३-२५

कञ्चनपुर:- जिल्ला कञ्चनपुर भिमदत्त न.पा.१८ भगतपुरबाट अवैध लागूऔषध खैरो हेरोइन जस्तो देखिने पदार्थ २ ग्राम ४० मिलिग्राम सहित २ जनालाई वुधबार राति प्रहरीले पक्राउ गरेको छ ।पक्राउ पर्नेहरूमा सोही ठाउँ बस्ने बर्ष २२ को कमल दमाई र बर्ष २२ को शाहिल दमाई रहेका छन् । वडा प्रहरी कार्यालय महेन्द्रनगर, कञ्चनपुरबाट खटिएको प्रहरीले कमल दमाईको घर कोठा भित्र लागूऔषध सेवन गरिरहेको अवस्थामा फेला पारि निजहरु दुवै जनालाई उक्त पदार्थ सहित पक्राउ गरेको हो । यसैगरी, जिल्ला कञ्चनपुर भिमदत्त न.पा.४ बजारबाट नियन्त्रित लागूऔषध डाइजापाम एम्पुल थान-२, ब्रोफिन नाफडा एम्पुल थान-८, फेनारगन एम्पुल थान-८ र सिरिन्ज थान-३ सहित बेतकोट न.पा.१ पिपलथला घर भइ हाल भिमदत्त न.पा.४ बजार स्थित कोठा गरि बस्ने बर्ष २२ को गोबिन्द बहादुर साँउदलाइ वुधबार वेलुकी प्रहरीले पक्राउ गरेको छ । गोप्य सुचनाको आधारमा वडा प्रहरी कार्यालय महेन्द्रनगर, कञ्चनपुरबाट खटिएको प्रहरीले निजको कोठा खानतलासी गर्दा उक्त नियन्त्रित लागूऔषध फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध लागूऔषध सहित मानिस नियन्त्रणमा

२०८३-०३-२४

कञ्चनपुर:- जिल्ला कञ्चनपुर भिमदत्त न.पा.१९ बागफाँटा शुक्रराज टोलबाट अवैध लागूऔषध खैरो हेरोइन जस्तो देखिने पदार्थ ४८० मिलिग्राम सहित २ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा सोही न.पा.१६ बस्ने बर्ष २४ को अनिल डगौरा र सोही न.पा.९ मटेना बस्ने बर्ष २७ को महेश ओड रहेका छन् । लागूऔषधको कारोवार भइरहेको भन्ने गोप्य सुचनाको आधारमा प्रहरी चौकी बागफाँटा, कञ्चनपुरबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो । यसैगरी, जिल्ला कञ्चनपुर कृष्णपुर न.पा.९ पिपरीयाबाट अवैध लागूऔषध खैरो हेरोइन जस्तो देखिने पदार्थ ७८० मिलिग्राम, गाँजा ८० ग्राम र एकनाले भरुवा बन्दुक थान-१ सहित २ जनालाई मंगलबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष ३४ को जोकराज राना र निजको श्रीमती बर्ष ३८ की जानकी राना रहेका छन् । निजको घरमा लागूऔषधको कारोवार भइरहेको भन्ने गोप्य सुचनाको आधारमा लागूऔषध नियन्त्रण ब्युरो शाखा कार्यालय धनगढी, इलाका प्रहरी कार्यालय गुलरिया र इलाका प्रहरी कार्यालय रैकवार, कञ्चनपुरबाट संयुक्त रुपमा खटिएको प्रहरीले निजको घर कोठा खाँनतलासी गर्दा उक्त पदार्थ र भरुवा बन्दुक फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।