अबैध लागू औषध (चरेश) सहित मानिस पक्राउ

२०८१-०५-०७

A
A^-
A⁺

बझाङ:- मिति २०८१।०५।०७ गते १२:४० बजेको समयमा जिल्ला बझाङ, बित्थडचिर गा.पा.३ दुधढल्ला स्थित जयपृथ्बी राजमार्गमा बागथलाबाट धनगढी तर्फ जादै गरेको ऐ. बुंगल न.पा.२ दहबगर पौटा बस्ने बर्ष २९ को दिपक धामीले चलाएको सु.प.प्र. ०१-००१ च ३९३३ नम्बरको जीपलाई प्रहरी चौकी स्याडी, बझाङबाट खटिएको प्रहरी टोलीले ईन्ट्री पोष्टमा चेकजाँच गर्दा ४ किलो ८४५ ग्राम लागू औषध चरेश जस्तो देखिने कालो पदार्थ फेला पारि आवश्यक प्रक्रिया पुरा गरी उक्त पदार्थ, जीप, चालक र ऐ.बस्ने बर्ष ४५ को आईते धामी (सवारी धनी) समेत नियन्त्रणमा लिएको, थप अनुसन्धान भईरहेको ।

सम्बन्धित समाचार

भरुवा वन्दुक बरामद

२०८३-०४-१५

कञ्चनपुर:- जिल्ला कञ्चनपुर भिमदत्त न.पा. १ र ३ को सिमाना स्थित बाराकुण्डाबाट बिष्णु मन्दिर जाने बाटोको तुम्डी खोलाको पुल मुनी लुकाई छिपाई राखेको बेवारिसे भरुवा बन्दुक थान-१ नाल बिहिबार राति प्रहरीले बरामद गरेको छ । जिल्ला प्रहरी कार्यालय कञ्चनपुरबाट खटिएको प्रहरीले उक्त बन्दुक पुल मुनी लुकाई छिपाई बेवारिसे अवस्थामा फेला पारी बरामद गरेको छ । यस सम्बन्धमा प्रहरीले थप अनुसन्धान गरिरहेको छ ।

फरार प्रतिबादी पक्राउ

२०८३-०४-१५

कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको विभिन्न मितिको फैसलाले कैद सजाय तथा जरिवाना ठहर भई फरार रहेका निम्न प्रतिवादीहरुलाई मिति २०८३।०४।१४ गते जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरीले पक्राउ गरेको छ ।१. कुटपिट मुद्दामा १ महिना कैद सजाय र रु.३,०००।– जरिवाना तोकिएको कृष्णपुर न.पा.३ कटान बस्ने वर्ष ४७ को भान बहादुर विष्ट ।२. कुटपिट मुद्दामा १ महिना कैद सजाय र रु.३,०००।– जरिवाना तोकिएको कृष्णपुर न.पा.३ बैभटोल बस्ने वर्ष ३२ को मुकेश मल्ल ।३. कुटपिट मुद्दामा १ महिना कैद सजाय र रु.३,०००।– जरिवाना तोकिएको लालझाडी गा.पा.५ बैजनाथटोल बस्ने वर्ष ६५ को दल बहादुर बिष्ट । बाजुरा:- फैसला कार्यान्वयनको सिलसिलामा सम्मानित जिल्ला अदालत अछामको फैसलाले चेक अनादर मुद्दामा विगो रु.२०,७०,०००।– (बीस लाख सत्तरी हजार रुपैंया) तोकिएको प्रतिवादीका नाउँको विगो वाफतको रकम तिर्न नसकी प्रतिवादीलाई विगो वापत २ वर्ष कैद सजायमा राखी फैसला कार्यान्वयन गर्न भनि सोही अदालतको पक्राउ आदेशानुसार जिल्ला अछाम, पञ्चदेवल विनायक न.पा.५ बस्ने वर्ष ४० को भोजराज बुढालाई जिल्ला प्रहरी कार्यालय बाजुराबाट खटिएको प्रहरीले जिल्ला बाजुरा बडिमालिका न.पा. ८ बाउली स्थित निजको डेरा कोठाबाट बिहिबार दिउँसो पक्राउ गरेको छ ।

अवैध लागूऔषध सहित मानिस नियन्त्रणमा

२०८३-०४-१५

कैलाली;- जिल्ला कैलाली धनगढी उ.म.न.पा.१७ धुर्जन्नाबाट अवैध लागूऔषध खैरो हेरोइन जस्तो देखिने पदार्थ ७५० मिलिग्राम सहित गोदावरी न.पा.९ बस्ने वर्ष २७ को ध्रुब जोशीलाई बिहिबार साँझ प्रहरीले पक्राउ गरेको छ । प्रहरी चौकी कनरी, कैलालीबाट खटिएको प्रहरीले शंका लागी चेकजाँच गर्दा उक्त पदार्थ फेला पारी निजलाई उक्त पदार्थ सहित पक्राउ गरेको छ ।

जवरजस्ती करणी गरेको अभियोगमा मानिस पक्राउ

२०८३-०४-१५

कैलाली:- ३२ वर्षीया महिलालाई जबरजस्ती करणी गरेको अभियोगमा जिल्ला कैलाली, भजनी न.पा.५ लालबोझी बस्ने वर्ष ५२ को सिताराम चौधरीलाई बिहिबार राति प्रहरीले पक्राउ गरेको छ । निजले ती महिलालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय भजनी, कैलालीबाट खटिएको प्रहरीले पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अवैध भन्सार छलिका सामान नियन्त्रणमा

२०८३-०४-१५

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,५०,०५०।– बराबरको चिनी, पटका, साडी, सुटपिस, व्लाउज, विभिन्न किसिमका फलफुलका वोट विरुवा लगायतका सामानहरु बिहिबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- जिल्ला कञ्चनपुर पुनर्वास न.पा.११ डोकेबजार गुम्बा नजिकबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,०४,०००।– बराबरको चस्माको ग्लासहरु बिहिबार राति प्रहरी चौकी परासन, कञ्चनपुरबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

आगलागीबाट बिभिन्न धनमाल जलेर नष्ट

२०८३-०४-१४

कैलाली:- जिल्ला कैलाली घोडाघोडी न.पा.४ गैडाखेडा बस्ने अर्जुन बहादुर बुढाको काठले बनेको टायलले छाएको एक तले गोठमा भैसीलाई मच्छर भगाउन बालेको आगोबाट निजकै गोठ र दुई तले घरमा वुधबार राति आगलागी हुँदा घर तथा गोठ भित्र रहेका नगद, गरगहना, खद्यान्न, भाँडावर्तन, लत्ताकपडा लगायतका सामानहरु गरि अन्दाजी मुल्य रु.२०,००,०००।– (बिस लाख) बराबरको धनमाल जलेर नष्ट भएको हो । आगलागी स्थानिय, प्रहरी र दमकलको सहयोगमा नियन्त्रणमा आएको छ ।