अबैध लागू औषध (चरेश) सहित मानिस पक्राउ

२०८१-०५-०७

A
A^-
A⁺

बझाङ:- मिति २०८१।०५।०७ गते १२:४० बजेको समयमा जिल्ला बझाङ, बित्थडचिर गा.पा.३ दुधढल्ला स्थित जयपृथ्बी राजमार्गमा बागथलाबाट धनगढी तर्फ जादै गरेको ऐ. बुंगल न.पा.२ दहबगर पौटा बस्ने बर्ष २९ को दिपक धामीले चलाएको सु.प.प्र. ०१-००१ च ३९३३ नम्बरको जीपलाई प्रहरी चौकी स्याडी, बझाङबाट खटिएको प्रहरी टोलीले ईन्ट्री पोष्टमा चेकजाँच गर्दा ४ किलो ८४५ ग्राम लागू औषध चरेश जस्तो देखिने कालो पदार्थ फेला पारि आवश्यक प्रक्रिया पुरा गरी उक्त पदार्थ, जीप, चालक र ऐ.बस्ने बर्ष ४५ को आईते धामी (सवारी धनी) समेत नियन्त्रणमा लिएको, थप अनुसन्धान भईरहेको ।

सम्बन्धित समाचार

फरार प्रतिबादी पक्राउ

२०८३-०१-२३

कञ्चनपुर :- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०८२।०७।२४ गतेको फैसलाले सवारी ज्यान मुद्दामा ६ महिना कैद सजाय र रु.३,०००।– जरीवाना तोकिएको जिल्ला कञ्चनपुर, पुनर्वास न.पा.९ बिचफाटा बस्ने बर्ष ४१ को बिर बहादुर बुढालाई जिल्ला प्रहरी कार्यालय कञ्चनपुर समेतबाट खटिएको प्रहरी टोलीले मंगलबार सोही न.पा. १० दोधा पुलबाट पक्राउ गरेको हो । डडेल्धुरा :- फैसला कार्यान्वयनको सिलसिलामा सम्मानित जिल्ला अदालत डडेल्धुराको फैसलाले बैङ्किङ कसुर मुद्दामा २ बर्ष कैद सजाय तोकिएको जिल्ला डडेल्धुरा, भागेश्वर गा.पा.३ बस्ने बर्ष ३० को भुवन सिंह भाटलाई जिल्ला प्रहरी कार्यालय डडेल्धुराबाट खटिएको प्रहरी टोलीले मंगलबार पक्राउ गरेको हो ।

अबैध भन्सार छलिका सामान नियन्त्रणमा

२०८३-०१-२३

कञ्चनपुर:- जिल्ला कञ्चनपुर भिमदत्त न.पा. ६ ऐठपुरबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १,२२,५२०।– बराबरको बिभिन्न किसिमका विद्युतका सामानहरु मंगलबार दिउँसो जिल्ला प्रहरी कार्यालय कञ्चनपुरबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

अबैध लागूऔषध सहित मानिस नियन्त्रणमा

२०८३-०१-२३

कैलाली:- जिल्ला कैलाली धनगढी उ.म.न.पा.९ बङ्ग्राकटानबाट अवैध लागूऔषध खैरो हेरोइन जस्तो देखिने धुलो पदार्थ १ ग्राम १३० मिलिग्राम सहित ३ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरूमा सोही उ.म.न.पा. ८ बस्ने तिन जना किशोर रहेका छन् । जिल्ला प्रहरी कार्यालय कैलालीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । यसैगरी, जिल्ला कैलाली गौरीगंगा न.पा.७ मनकापुर स्थित मसुरिया तालबन्दा भित्री सडक खण्डबाट अवैध लागूऔषध खैरो हेरोइन जस्तो देखिने धुलो पदार्थ ३२० मिलिग्राम सहित सोही ठाउँ बस्ने बर्ष २६ को जय कुमाललाई मंगलबार दिउँसो प्रहरीले पक्राउ गरेको छ । इलाका प्रहरी कार्यालय मसुरिया, कैलालीबाट खटिएको प्रहरीले निजलाई उक्त पदार्थ सहित पक्राउ गरेको हो ।

वेवारिसे काठ बरामद

२०८३-०१-२३

कञ्चनपुर:- जिल्ला कञ्चनपुर, दोधारा चाँदनी न.पा.६ भैरव जनकल्याण सामुदायिक वनभित्र काटेर लुकाई छिपाई राखेको अवस्थामा सगुन जातको गोलिया थान-६ (७० क्युफिट) अन्दाजी मुल्य रु.७७,०००।– (सतहत्तर हजार) बराबरको काठ इलाका प्रहरी कार्यालय दोधारा चाँदनी, कञ्चनपुरबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिई आवश्यक प्रक्रिया पुरा गरि सुक्लाफाँटा राष्ट्रिय निकुञ्जको कार्यालय मझगाँउ, कञ्चनपुरको जिम्मा लगाएको हो ।

फरार प्रतिवादी पक्राउ

२०८३-०१-२२

दार्चुला:- फैसला कार्यान्वयनको सिलसिलामा सम्मानित जिल्ला अदालत दार्चुलाको मिति २०८१।०६।०७ गतेको फैसलाले जुवातास मुद्दामा २ महिना २५ दिन कैद सजाय तोकिएको जिल्ला दार्चुला, दुहुँ गा.पा.५ बस्ने बर्ष ४२ को देव राम पार्कीलाई जिल्ला प्रहरी कार्यालय दार्चुलाबाट खटिएको प्रहरी टोलीले सोमबार महाकाली न.पा.४ पुल घाटबाट पक्राउ गरेको हो ।

अबैध लागू औषध सहित मानिस नियन्त्रणमा

२०८३-०१-२२

कैलाली:- जिल्ला कैलाली धनगढी उ.म.न.पा.८ धनगढी गाउबाट अवैध लागूऔषध खैरो हेरोइन जस्तो देखिने धुलो पदार्थ ६०० मिलिग्राम सहित ३ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष २८ को नरेश चौधरी, बर्ष २२ को सुरेश चौधरी र सोही उ.म.न.पा.११ बस्ने बर्ष २६ भक्त राज राना रहेका छन् । जिल्ला प्रहरी कार्यालय कैलालीबाट खटिएको प्रहरीले टोलीले निजहरु तिनै जनालाई शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।