डोटी:- मिति २०८१।०५।२० गते १०:३० बजेको समयमा जिल्ला डोटी, दिपायल सिलगढी न.पा. ६ सिलगढी बस्ने बर्ष अन्दाजी ७४/७५ को कालु सिंह बिष्ट बिगत ३ दिन पहिला देखि हराएको हुँदा खोज तलास गरि पाउँ भनि निजका आफन्तले जिल्ला प्रहरी कार्यालय डोटीमा निवेदन दिएको हुँदा खोजतलास गर्ने क्रममा निजको घरमा ताल्चा लगाएको अवस्थामा तल्चा फोडी घरभित्र हेर्दा शंकास्पद मृत अवस्थामा फेला परेको हुँदा घटना सम्बन्धमा अनुसन्धान टोली गठन भई सुदूरपश्चिम प्रदेश प्रहरी कार्यालयको समन्वय र जिल्ला प्रहरी कार्यालय कैलालीको सहयोगमा जिल्ला डोटी, सिलगढी न.पा. ६ सिलगढी बस्ने अन्दाजी बर्ष २१/२२ को सरोकार श्रेष्ठलाई जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिई आवश्यक कारवाहीको लागी जिल्ला प्रहरी कार्यालय डोटीमा बुझाएको, सो सम्बन्धमा थप अनुसन्धान भईरहेको ।