कञ्चनपुर:- मिति २०८१।०६।१४ गते १७:०० बजेको समयमा जिल्ला प्रहरी कार्यालय कञ्चनपुर र लागू औषध नियन्त्रण ब्युरो शाखा महेन्द्रनगरबाट संयुक्त रुपमा खटिएको प्रहरी टोलीले जिल्ला कञ्चनपुर, भिमदत्त न.पा.३ भासीबाट देश भारत, लखिमपुर जिल्ला पलिया बस्ने बर्ष २८ को बलराम सिहलाई संका लागी चेकजाँच गर्दा १.८२ ग्राम लागू औषध खैरो हेरोइन जस्तो  देखिने धुलो पदार्थ, नगद रु.८,१०० र मोवायल थान-१ सहित फेला पारि नियन्त्रणमा लिएको, थप अनुसन्धान भईरहेको ।

    यसैगरी, मिति २०८१।०६।१४ गते १८:०० बजेको समयमा जिल्ला प्रहरी कार्यालय कञ्चनपुर र लागू औषध नियन्त्रण ब्युरो शाखा महेन्द्रनगरबाट संयुक्त रुपमा खटिएको प्रहरी टोलीले जिल्ला कञ्चनपुर, बेदकोट न.पा.५ पोलखरीबाट सोही ठाउँ बस्ने बर्ष २७ को सुरेश नेपालीलाइ संका लागी चेकजाँच गर्दा ९ एम्फुल रेक्सोजोसिस र ९ एम्फुल फेनारगन लागू औषध फेला पारि नियन्त्रणमा लिएको, थप अनुसन्धान भईरहेको ।

     कैलाली:- मिति २०८१।०६।१४ गते २०:१५ बजेको समयमा इलाका प्रहरी कार्यालय मालाखेती, कैलालीबाट खटिएको प्रहरी टोलीले जिल्ला कैलाली, गोदावरी न.पा.१ मनहरा टोलबाट सोही ठाउँ बस्ने बर्ष १९ को कमल रिजाललाई ५३० मिलिग्राम लागू औषध खैरो हेरोइन जस्तो  देखिने धुलो पदार्थ र नगद रु.३,९०० सहित फेला पारि नियन्त्रणमा लिएको, थप अनुसन्धान भईरहेको ।