आज मिति २०७९।१०।२५ गतेको बिहान जिल्ला कैलाली धनगढी उप-महानगरपालिका वडा न.१ स्थित उद्योग बाणिज्य संघको सभा हलमा यस सुदुरपश्चिम प्रदेश प्रहरी कार्यालय धनगढीको आयोजनामा प्रदेश प्रहरी प्रमुख प्रहरी नायब महानिरीक्षक अशोक सिंहज्युको संयोजकत्वमा मनोदिपक औषधीको ब्यबस्थापन सम्बन्धि सरोकारवाला निकायहरुसंग छलफल तथा अन्तरक्रिया कार्यक्रम-२०७९ शुरु भएको थियो । उक्त कार्यक्रममा धनगढी उप-महानगरपालिकाका नगर प्रमुख, कैलाली जिल्लाका प्रमुख जिल्ला अधिकारी, जिल्ला जनस्वास्थ्य कार्यालयका प्रमुख, उद्योग बाणिज्य संघका पदाधिकारीहरु,फार्मेसी/औषधि ब्यवसायी, संघ संस्थाका प्रतिनिधिहरु, समाजका भद्र-भलादमी पत्रकार तथा अन्य सरोकारवाला निकायहरुको उपस्थितिमा लागु औषधको रुपमा समेत प्रयोग हुने औषधी जन्य पदार्थको वेचविखन गर्दा चिकित्सकको सिफारिसलाई अनिवार्य गर्ने । सरोकारवाला सवै निकाय संघ संस्थाले आ-आफ्नो दायित्व बहन गरि अनुगमन, निरिक्षण लगायतका कार्यहरुलाई निरन्तरता दिने, साथै जिल्ला सुरक्षा  समितिले विशेष पहल कदमी लिई मनोदिपक पदार्थहरुको विक्री वितरण नियमन गर्ने तर्फ अग्रसरता लिने । कानून बमोजिम अधिकार प्राप्त स्वास्थ्यकर्मी बाहेक अन्य व्यक्तिहरुले मेडिकल सञ्चालन, औषधी बेचविखन लगायतका कार्यहरु नगर्ने/नगराउने निर्णयहरु गर्नुका साथै “लागु औषध बिरुद्वको महाअभियान २०७९” लाई सहज रूपमा सञ्चालन गर्ने सम्बन्धी समेत छलफल गरिएको थियो ।