मिति २०७९/११/०५ गतेको साँझतिर ईलाका प्रहरी कार्यालय गुलरीयाबाट खटि गएको प्रहरी गस्ती टोलीले बिशेष सूचनाको आधारमा जि.कञ्चनपुर कृष्णपुर न.पा. वडा न. ४ त्रिवेणी चोक  बस्ने बर्ष अ.३५ को कमल दौल्यालको घरमा शंका लागी चेकजाँच गर्ने क्रममा घरको पछाडी घाँसबारीमा चरेस लुकाउन खोज्ने क्रममा निज कमल दौल्याललाई १ किलो ६२ ग्राम ला.औ.(चरेश) सहित फेला पारी बरामद गरी निज कमल दौल्याल समेतलाई प्रहरीले पक्राउ गरेको हो ।  

    यसैगरि शुक्रबार दिउसो जिल्ला कञ्चनपुर भिमदत्त न.पा. ११ गड्डाचौकी नेपाल-भारत सिमाना स्थित प्रहरी टोलीले चेकजाँच गर्ने क्रममा ऐ. ६ ऐठपुर बस्ने बर्ष ३० को प्रेम राज जोशीले चलाएको सु.प.प्र. ०१-००८ प. ३७४१ नं. को मो.सा.लाई शंका लागी चेकजाँच गर्ने क्रममा मो.सा. पछाडी सवार ऐ. बेदकोट न.पा. ९ बस्ने बर्ष ३२ को पुकार पाण्डेयको साथबाट २.३० ग्राम चरेश, कोरेक्स सिसि थान-१ र स्पस थान-१० क्याप्सुल सहित फेला पारी बरामद गरी दुवै जना र मो.सा. सहित पक्राउ गरेको हो ।

     यसैगरि शुक्रबार साँझतिर प्रहरी टोलीले जिल्ला कञ्चनपुर भिमदत्त न.पा. ४ बजार स्थित ऐ. भि.न.पा. वडा न. ५ बनगाँऊ बस्ने बर्ष २२ को बिबेक ठगुन्नाले चलाएको से.४ प.३०४ नम्बरको पल्सर मो.सा. लाई शंका लागि चेकजाँच गर्दा निजको साथाबाट शुद्ध तौल गर्दा ०.१३ ग्राम ला.औ.(खैरो हिरोईन) फेला पारी कानुन बमोजिम बरामद गरि मोसा सहित निजलाई प्रहरीले पक्राउ गरेको हो ।

    कैलाली:- यसैगरि मिति २०७९।११।०५ गतेको साँझतिर जिल्ला कैलाली,धनगढी उप-महानगरपालिका ८ क्याम्पस चोक स्थित खटि गएको प्रहरी टोलीले ऐ.ऐ. बस्ने बर्ष ३१ को  सुरज चौधरीलाई शंका लागी चेक जाँचगर्दा  निजको साथबाट  १५ ग्राम लागु औषध (खैरो हेरोईन) फेला पारी मानिस सहित प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।