अबैध भन्सार छलिका सामान नियन्त्रणमा

२०८२-१०-२४

A
A^-
A⁺

कैलाली:- जिल्ला कैलाली टीकापुर न.पा.९ बालुवाटरबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.९५,७००।– बराबरको चिनी, बिडी, सुर्ती, गञ्जी, पुजाको सामान, पानिपुरी, तमाको कलश लगायतका सामानहरु शुक्रबार साँझ इलाका प्रहरी कार्यालय टिकापुर, कैलालीबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

सम्बन्धित समाचार

भिरबाट लडेर मृत्यु

२०८२-१०-२४

बाजुरा:- जिल्ला बाजुरा त्रिवेणी न.पा.६ पन्धारा बस्ने बर्ष ४१ को सन्तोष बुढाको ऐ. ढाडखर्क भन्ने स्थानमा बाख्रा चराउने क्रममा भिरबाट लडेर शनिबार राती मृत्यु भएको हो । शुक्रबार बिहानतिर बाख्रा चराउने क्रममा भिरबाट लडेर गम्भिर घाईते भएका उनको न्याय हेल्थ अस्पताल बयलपाटा, अछाम हुँदै थप उपचारको लागि सेती प्रादेशिक अस्पताल धनगढी, कैलालीमा चिकित्सकले चेकजाँच गर्दा बाटोमै मृत्यु भएको हो ।

मोटरसाइकल दुर्घटनामा चालकको मृत्यु

२०८२-१०-२४

कैलाली:- जिल्ला कैलाली लम्कीचुहा न.पा.५ तिकलपुर स्थित भित्री सडक खण्डमा रा ६ प ३१५७ नम्बरको मोटरसाईकल अनियन्त्रित भई शुक्रबार राति दुर्घटना हुँदा मोटरसाईकल चालक सोही ठाउँ बस्ने बर्ष ३२ को दिपेन्द्र रावलको मृत्यु भएको हो । दुर्घटनामा गम्भिर घाईते भएका उनको लालरत्न अस्पताल लम्की हुँदै थप उपचारको लागि टिकापुर अस्पताल टिकापुरमा उपचारको क्रममा मृत्यु भएको हो । सो सम्बन्धमा प्रहरीले आवश्यक अनुसन्धान गरिरहेको छ ।

अबैध लागूऔषध सहित मानिस पक्राउ

२०८२-१०-२४

कञ्चनपुर:- जिल्ला कञ्चनपुर, बेलौरी न.पा. १० सडकघाटबाट १ ग्राम १५० मिलिग्राम लागूऔषध खैरोहेरोइन जस्तो देखिने धुलो पदार्थ सहित ऐ. शुक्लाफाँटा न.पा.१० झलारी बस्ने १८ बर्षिय दुई जना किशोरलाई शुक्रबार राति प्रहरीले पक्राउ गरेको छ । इलाका प्रहरी कार्यालय बेलडाँडी र प्रहरी चौकी भुडा, कञ्चनपुरबाट संयुक्त रुपमा खटिएको प्रहरीले टोलीले भारतबाट नेपाल तर्फ आउदै गरेको अवस्थामा सु.प.प्र.०१-०१० प ३५८७ नम्बरको मोटरसाइकलमा सवार दुवै जनालाई उक्त पदार्थ सहित पक्राउ गरेको हो ।

फरार प्रतिबादी पक्राउ

२०८२-१०-२३

कैलाली :- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले कृते मुद्दामा १ वर्ष कैद सजाय र रु.१,०००।- जरिवाना तोकिएको जिल्ला कैलाली, धनगढी उ.म.न.पा. ४ बस्ने बर्ष ३५ को सुरेश बहादुर दमाईलाई जिल्ला प्रहरी कार्यालय कैलालीबाट खटिएको प्रहरी टोलीले मिति २०८२।१०।२२ गते पक्राउ गरेको । कञ्चनपुर :- फैसला कार्यान्वयनको सिलसिलामा सम्मानित जिल्ला अदालत कञ्चनपुरको फैसलाले लागूऔषध मुद्दामा ५ महिना ८ दिन कैद सजाय तोकिएको जिल्ला कञ्चनपुर, पुनर्वास न.पा. ११ बस्ने वर्ष २३ को कृष्ण भुजेललाई प्रहरी चौकी परासन,कञ्चनपुरबाट खटिएको प्रहरी टोलीले मिति २०८२।१०।२२ गते निजकै घर ठेगानाबाट पक्राउ गरेको ।

अबैध लागूऔषध सहित मानिस पक्राउ

२०८२-१०-२३

कञ्चनपुर:- जिल्ला कञ्चनपुर बेलडाँडी गा.पा.१ बेलडाँडीबाट ६०० मिलिग्राम लागू औषध खैरो हेरोईन जस्तो देखिने धुलो पदार्थ सहित ऐ. रौलेश्वर टोल बस्ने बर्ष २० को चन्द्र खड्कालाई बिहीबार राती प्रहरीले पक्राउ गरेको हो । बेलडाँडी प्रतिक्षालयमा संकास्पद रुपमा बसिरहेको अवस्थामा इलाका प्रहरी कार्यालय बेलडाँडी, कञ्चनपुरबाट खटिएको प्रहरी टोलीले शंका लागि चेकजाँच गर्दा उक्त पदार्थ फेला पारी आवश्यक प्रक्रिया पुरा गरि निजलाई पक्राउ गरेको हो ।

मृत अवस्थामा फेला

२०८२-१०-२३

कैलाली:- जिल्ला डडेल्धुरा, अजयमेरू गा.पा.२ बस्ने बर्ष २३ को मुकुन्द राज जोशी जिल्ला कैलाली, धनगढी उ.म.न.पा.१३ राजपुर स्थित मार्केटिङ्को काम गर्ने मिति २०८२।१०।१९ गते देखि हराई बेपत्ता भएकोले निजको आफन्त र प्रहरीले खोजतलास गर्दै जाँदा मिति २०८२।१०।२२ गते १६:४५ बजेको समयमा जिल्ला कैलाली, धनगढी उ.म.न.पा.७ स्थित रहेको देवरिया बनस्पती उद्यानको पछाडी जङ्गलमा मृत अवस्थामा फेला परेका हुन । यस सम्बन्धमा जिल्ला प्रहरी कार्यालय कैलालीबाट अनुसन्धान भईरहेको छ ।