अबैध लागूऔषध सहित मानिस पक्राउ

२०८२-११-०३

A
A^-
A⁺

कैलाली:- जिल्ला कैलाली धनगढी टिकापुर न.पा. ९ खक्रौला चेकपोष्ट स्थितबाट ९१० मिलिग्राम लागूऔषध खैरो हिरोईन जस्तो देखिने धुलो पदार्थ सहित जि.कैलाली लम्की चुहा न.पा.२ बगनिया बस्ने बर्ष २० को सरोज तिरुवालाई शनिबार साँझ प्रहरीले पक्राउ गरेको हो । प्रहरी चौकी कालाकुण्डा,कैलालीबाट खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि पक्राउ गरेको हो ।

सम्बन्धित समाचार

अबैध भन्सार छलिका सामान नियन्त्रणमा

२०८२-११-०३

कैलाली:- जिल्ला कैलाली भजनी न.पा.३ काँढा पुल स्थित अबैंध रुपमा भारतबाट भन्सार छलि गरि ल्याएका अन्दाजी मूल्य रु.५०,७९५।– बराबरको बिडी र सुर्ती लगायतका सामानहरु शनिबार साँझ इलाका प्रहरी कार्यालय भजनी,कैलालीबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- कञ्चनपुर जिल्लाको विभिन्न स्थानहरुबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,५२,०००।– बराबरको अवैध बोईलर कुखुरा,माछा, कपडा लगायतका समानहरु शनिबार जिल्ला प्रहरी कार्यालय कञ्चनपुर तथा मातहत कार्यालयहरुबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

मृत्यु अवस्था फेला

२०८२-११-०३

कैलाली:- जिल्ला कैलाली मोहन्याल गाउँपालिका वडा नं १ तल्लोपानी स्थित नव प्रगतिशिल सामुदायिक वनको जंगलमा नामथर वतन खुल्न नआएकी वर्ष अन्दाजी २५ कि महिला शनिबार दिउँसो मृत अवस्थामा फेला परेकी छन । यस सम्बन्धमा प्रहरीले आवश्यक अनुसन्धान गरिरहेको छ ।

करेन्ट लागेर मृत्यु

२०८२-११-०२

कैलाली:- जिल्ला कैलाली धनगढी उ.म.न.पा.१९ फुलवारी बस्ने बर्ष २० को बिमल चौधरीको शुक्रबार दिउँसोतिर करेन्ट लागेर मृत्यु भएको छ । निजले जिल्ला कैलाली, कैलारी गा.पा.६ बेनौली स्थित विजुलीको पोलमा ट्रान्सफरमर राख्ने क्रममा करेन्ट लागी गम्भिर घाईते भई उपचारको लागी सेति प्रादेशिक अस्पताल धनगढी लगिएकोमा चिकित्सकले चेकजाँच गर्दा मृत घोषणा गरेको । यस सम्बन्धमा प्रहरीले थप अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८२-११-०२

कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा. ५ सुकासाल, दोधाराचाँदनी न.पा.१ मलहरिया र ऐ. ८ धामी टोल स्थित सडक किनारबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.८५,१९६।– बराबरको पेय पदार्थ, गुड, सुर्ती, कस्मेटिक, फेन्सी, किराना लगायतका सामानहरु शुक्रबार जिल्ला प्रहरी कार्यालय कञ्चनपुर मातहत कार्यालयहरुबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कैलाली:- जिल्ला कैलाली धनगढी उ.म.न.पा.१ नैनादेवि मन्दिर नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. २५,०००।– बराबरको माछा, साइकल थान-१ लगायतका सामानहरु शुक्रबार दिउँसो जिल्ला प्रहरी कार्यालय कैलालीबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

३३ ग्राम ७०० मिलिग्राम अबैध लागूऔषध सहित युवा युवती पक्राउ

२०८२-११-०२

कैलाली:- जिल्ला कैलाली धनगढी उ.म.न.पा.१३ धनगढी अत्तरिया राजमार्ग स्थित मोहनपुर चोक सडक खण्डबाट २३ ग्राम ३४०मिलिग्राम र सोही उ.म.न.पा ४ स्थित निजहरुको डेरा कोठा खानतलासी गर्दा १० ग्राम ३६० मिलिग्राम गरी जम्मा ३३ ग्राम ७०० मिलिग्राम लागूऔषध खैरो हेरोईन जस्तो देखिने धुलो पदार्थ, AIRGUN थान-१, नगद रु.६५,०००।– र मोवाईल थान-२ सहित जिल्ला कञ्चनपुर, भिमदत्त न.पा.६ ऐठपुर बस्ने बर्ष २५ को सम्भु भट्ट र जिल्ला बैतडी, सिंगास गा.पा.१ वतन भएकी बर्ष २३ की कविता भट्टलाई शुक्रबार साँझ प्रहरीले पक्राउ गरेको हो । वडा प्रहरी कार्यालय धनगढी र लागूऔषध नियन्त्रण व्युरो शाखा कार्यालय धनगढी, कैलालीबाट संयुक्त रुपमा खटिएको प्रहरी टोलीले निजहरुलाई चेकजाँच तथा डेरा कोठा खानतलासी गर्दा उक्त पदार्थ फेला पारी, आवश्यक प्रक्रिया पुरा गरि निजलाई पक्राउ गरेको हो ।

अबैध लागूऔषध सहित मानिस पक्राउ

२०८२-११-०१

कैलाली:- जिल्ला कैलाली धनगढी उ.म.न.पा.१० सिमलघाटबाट ८६० मिलिग्राम लागूऔषध खैरो हेरोईन जस्तो देखिने धुलो पदार्थ सहित सोही उ.म.न.पा.८ बस्ने बर्ष २१ को उमेश रानालाई विहिबार साँझ प्रहरीले पक्राउ गरेको हो । अस्थायी प्रहरी पोष्ट जुगेडा, कैलालीबाट खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि पक्राउ गरेको हो ।