कैलाली:- जिल्ला कैलाली कैलारी गा.पा.५ बजैपुर स्थित ना ६ ख ७७८ नम्बरको ट्रकले गोरुगाडालाई ठक्कर दिदा गोरुगाडामा सवार जिल्ला कैलाली, कैलारी गा.पा.५ बस्ने बर्ष ६० को कलसु चौधरी र निजकै श्रीमती बर्ष ७० की सेतानु चौधरीको वुधवार राती मृत्यु भएको हो । दुर्घटनामा गम्भिर घाईते भएका दुवै जनालाई सेती प्रादेशीक अस्पताल धनगढी लगिएकोमा सेतानु चौधरीलाई चिकित्सकले चेकजाँच गर्दा मृत घोषणा गरेको र कलसु चौधरीको उपचारकै क्रममा मृत्यु भएको हो । गोरु गाढमा वाँधिएको एक वटा गोरुको मृत्यु भएको छ भने एउटा वटा गोरु घाईते भएको छ । ट्रक र ट्रक चालक जिल्ला कैलाली, धनगढी उ.म.न.पा.३ बोराडाँडी बस्ने बर्ष ३३ को रुबिन थापामगरलाई प्रहरीले नियन्त्रणमा लिएको छ भने दुर्घटना सम्बन्धमा प्रहरीले आवश्यक अनुसन्धान गरिरहेको छ ।