कैलाली:- जिल्ला पाल्पा, तनहुँ गाउँपालिका घर भई हाल धनगढी उ.म.न.पा.४ स्थित डेरा गरी बस्ने टेक कुमारी गाहामगरको कोठाबाट जुवातास खेलिरहेको अवस्थामा निज टेक कुमारी गाहामगर सहित ६ जनालाई शुक्रबार दिउँसो प्रहरीले पक्राउ गरेको छ । निजले कोठामा जुवातास खेलाई रहेको भन्ने गोप्य सुचनाको आधारमा जिल्ला प्रहरी कार्यालय कैलालीबाट खटिएको प्रहरीले निजहरूलाई नगद रु.२०,१४०।– र ३ गड्डी तास सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।