अबैध सिसमको काठ बरामद

२०८०-०२-२४

A
A^-
A⁺

कैलाली:- मिति २०८०/०२/२४ गते बिहान बिशेष सूचनाको आधारमा ईलाका प्रहरी कार्यालय हसुलियाबाट खटिई गएको प्रहरी टोलीले कैलारी गा.पा.३ निमबुवाबोझी स्थित ऐ.ऐ. बस्ने बर्ष ३८ को ज्ञान ब. चौधरीको खेतमा अबैध जम्मा अ.१०२.३१ क्युफिट सिसमको काठ सहित २ वटा आरा र ४ वटा डल्लब समेत फेलापारी प्रहरीले नियन्त्रणमा लिएको हो । मानिस सहित काठ आवश्यक कारबाहीको लागी प्रहरीले सबडिबिजन बन कार्यालय बसन्तालाई बुझाईएको छ ।

सम्बन्धित समाचार

अबैध भन्सार छलिका सामान सहित मानिस पक्राउ

२०८३-०५-०६

कैलाली:- जिल्ला कैलाली धनगढी उ.म.न.पा.१ एल.एन.चोक स्थित भित्र सडक खण्डबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,१०,०००।- बराबरको पर्दा र अन्दाजी मुल्य रु.१२,००,०००।– बराबरको यु.पी.३१ सि.बी. २८२६ नम्बरको भारतिय गाडी गरी जम्मा अन्दाजी रु.१३,१०,०००।– बराबरको पर्दा र गाडी सहित चालक भारत पलिया DSN कलौनी बस्ने वर्ष ३५ को अमित कुमार सक्सेनालाई वडा प्रहरी कार्यालय धनगढी, कैलालीबाट खटिएको प्रहरी टोलीले शुक्रवार साँझ फेला पारी नियन्त्रण लिएको छ । यसैगरी, कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.२,०४,६२०।– बराबरको बिडी, सुर्ति, पंखाको पाता, मटर, विभिन्न किसिमका कपडा, पानि तान्ने मोटर, किराना लगायतका सामानहरु शुक्रबार जिल्ला प्रहरी कार्यालय कैलाली मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

फरार प्रतिवादी पक्राउ

२०८३-०५-०६

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले सवारी ज्यान मुद्दामा ३ वर्ष कैद सजाय र रु.३०,०००।- ( तिस हजार ) जरिवाना तोकिएको जानकी गा.पा.८ बस्ने बर्ष ४० को रामस्वरुप चौधरीलाई इलाका प्रहरी कार्यालय टीकापुर, कैलालीबाट खटिएको प्रहरी टोलीले शुक्रबार दिउँसो निजकै घर ठेगानाबाट पक्राउ गरेको छ । डोटी:- फैसला कार्यान्वयनको सिलसिलामा सम्मानित जिल्ला अदालत बाजुराको मिति २०७५।०८।११ गतेको फैसलाले सवारी ज्यान मुद्दामा ३ महिना २२ दिन कैद सजाय तोकिएको बडिकेदार गा.पा.४ मन्नाकपाडी बस्ने वर्ष ३६ को चन्द्र बहादुर मन्नीलाई जिल्ला प्रहरी कार्यालय डोटीबाट खटिएको प्रहरी टोलीले शुक्रबार दिउँसो सिलगढी बजारबाट पक्राउ गरेको छ । अछाम:- फैसला कार्यान्वयनको सिलसिलामा सम्मानित जिल्ला अदालत अछामको मिति २०८३।०१।२४ गतेको फैसलाले हातहतियार सम्बन्धी मुद्दामा ६ महिना कैद सजाय र रु.५,०००।- ( पाँच हजार ) जरिवाना तोकिएको मंगलसेन न.पा.३ बस्ने मोहन बम बोगटीलाई प्रहरी चौकी मंगलसेन, अछामबाट खटिएको प्रहरी टोलीले शुक्रबार दिउँसो निजकै घर ठेगानाबाट पक्राउ गरेको छ ।

लोडर दुर्घटना हुँदा १५ वर्षिय वालकको मृत्यु

२०८३-०५-०६

कैलाली:- जिल्ला कैलाली जानकी गा.पा.७ चिलिम चौराहा स्थित सु.प.प्र.०१-००१ स ५४३९ नम्बरको पानी बोक्ने लोडर अनियन्त्रीत भई शुक्रबार राति दुर्घटना हुँदा लोडरमा सवार टीकापुर न.पा.१ बनगाँउ बस्ने १५ वर्षिय लक्ष्मण घर्ती मगर गम्भीर घाइते भई उपचारको लागि टीकापुर अस्पताल टीकापुर लगिएकोमा उपचारको क्रममा गएराति मृत्यु भएको छ । साथै उक्त लोडरमा चालक सहित ४ जना सवार रहेकोमा अन्य ३ जना र लोडर इलाका प्रहरी कार्यालय टिकापुर, कैलालीबाट खटिएको प्रहरी टोलीले नियन्त्रणमा लिएको छ । दुर्घटना सम्बन्धमा अनुसन्धान भईरहेको छ ।

अवैध लागूऔषध सहित मानिस नियन्त्रणमा

२०८३-०५-०६

कञ्चनपुर:- जिल्ला कञ्चनपुर भिमदत्त न.पा.११ गड्डाचौकीबाट अवैध लागूऔषध खैरो हेरोइन जस्तो देखिने पदार्थ ७० मिलिग्राम सहित सोही न.पा.५ सुकासाल बस्ने वर्ष २७ को सुरज लुहारलाई शुक्रबार दिउँसो लागूऔषधको कारोबार गरी रहेको छ भन्ने गोप्य सुचनाको आधारमा इलाका प्रहरी कार्यालय गड्डाचौकी, कञ्चनपुरबाट खटिएको प्रहरी टोलीले चेकजाँच गर्दा उक्त पदार्थ फेला पारी पक्राउ गरेको छ ।

डुबेर मृत्यु

२०८३-०५-०५

कैलाली, टीकापुर नगरपालिका-१ बिशालनगर बस्ने नेत्र थापाको छोरा २१ महिनाको बसन्त थापाको घर नजिकै रहेको रानी जमरा कुलोमा डुबेर बिहीबार साँझ मृत्यु भएको छ । डुबेर अशक्त भएका उनको टीकापुर अस्पतालमा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।

करेन्ट लागेर मृत्यु

२०८३-०५-०५

कैलाली, लम्कीचुहा नगरपालिका-७ हरैयापुर बस्ने ७० वर्षीया गोमा जाग्रीको करेन्ट लागेर बिहीबार राति मृत्यु भएको छ । आफ्नै घर अगाडि कपडा सुकाउने क्रममा विजुलीको तारबाट करेन्ट लागेर गम्भीर घाइते भएकी उनको टीकापुर अस्पतालमा उपचारको क्रममा मृत्यु भएको हो ।