कैलाली- मिति २०८०।०३।१० गते साँझतिर  जि.कैलाली धनगढी उप-महानगरपालिका २ फनपार्क नजिक  भारतबाट भन्सार छलि गरी ल्याएका अं.मुल्य रू.१५,०००।- बराबरको  सुर्ती, मसला,चिनी, आन्टी, कालो नुन, लगायतका  मालसामानहरु जिल्ला प्रहरी कार्यालय कैलालीबाट खटिई गएको प्रहरी टोलीले बेवारीसे अवस्थामा फेला पारी नियन्त्रणमा लिएको हो । 

यसैगरि, आइतबार साँझतिर जिल्ला कैलाली धनगढी उप-महानगरपालिका ३ मिलन चोक स्थित भारतबाट भन्सार छलि गरी ल्याएका अं.मुल्य रू.२०,०००।– (बिस हजार) बराबरको जुत्ता २० जोर प्रहरी चौकी त्रिनगर कैलालीबाट खटिगएको प्रहरी टोलीले वेवारिसे अवस्थामा फेला पारी  नियन्त्रणमा लिएको हो  ।

यसैगरि, आइतबार साँझतिर जि.कैलाली धनगढी उप-महानगरपालिका ३ मिलनचोक स्थित भारतबाट भन्सार छलि गरी ल्याउदै गरेको चालक भारत विहार प्रदेश घर भई हाल जिल्ला कैलाली गोदावरी न.पा.५ बस्ने बर्ष ३८ को सन्दिप कर्णले चलाएको सु.प.प्र.०१००८ प ६६७२ नं.को मो.सा.मा  अं.मुल्य रू.६९,२७५।–बराबरको  छाता, कुर्ती, मेहन्दि, चिनी, नरिवल तेल, पेठा, सोडा, डिटल पाउडर,रंगहरु लगायतका अन्य मालसामानहरु ल्याउदै गरेको अवस्थामा फेला पारी निज मानिस र मो.सा.सहित जिल्ला प्रहरी कार्यालय कैलालीबाट खटिगएको प्रहरी टोलीले नियन्त्रणमा लिएको हो ।