कञ्चनपुर:- कञ्चनपुर जिल्लाको बिभिन्न स्थानहरु,भिमदत्त नगरपालिका वडा नं.१० गड्डाचौकीबाट अबैध रुपमा भारतबाट भन्सार छली ल्याएका अन्दाजी मूल्य रु.३,१७,७००।–जुता,लेडिज सुट,साडी,मोबायलको कभर लगायतका सामानहरु र ऐ.गड्डाचौकी ब्यारेलबाट अन्दाजी मूल्य रु.१५,०००।– बराबरको मुन्ना गोला (पटाका) र बेलौरी न.पा. ६ भन्साररोडबाट  अन्दाजी मूल्य रु. ४२,६००।– बराबरको सुर्ती,सुजी,प्लाष्टिक,सोयाबिन लगायतका सामानहरु गरि जम्मा अन्दाजी मूल्य रु.३,७५,३००।– बराबरको सामानहरु आईतबार प्रहरी गस्ती टोलीले बेवारिसे अबस्थामा फेला पारी आवश्यक प्रकृया पुरा गरि नियन्त्रणमा लिएको हो ।

    कैलाली:- जिल्ला कैलाली, धनगढी उप-महानगरपालिका ३ मिलन चोकबाट अबैध रुपमा भारतबाट भन्सार छली ल्याएका अन्दाजी मूल्य रु. ४४,४७०।-बराबरको चिनी,लेडिज सुट,नमकिन,साबुन,नरिवल लगायतका सामानहरु आईतबार साँझतिर प्रहरी गस्ती टोलीले बेवारिसे अबस्थामा फेला पारी आवश्यक प्रकृया पुरा गरि नियन्त्रणमा लिएको हो ।

यसैगरि, जिल्ला कैलाली, कैलारी गा.पा. ३ निमुवाबोझीघाटबाट अबैध रुपमा भारतबाट ल्याएका अन्दाजी मूल्य रु.७,५००।– (सात हजार पाँच सय ) बराबरको बोईलर कुखुरा आईतबार दिउँसो प्रहरी गस्ती टोलीले बेवारिसे अबस्थामा फेला पारी नियन्त्रण लिई आवश्यक प्रकृया पुरा गरि नष्ट गरिएको हो ।