कञ्चनपुर:-जिल्ला कञ्चनपुर, भिमदत्त न.पा. १५ गोबरिया स्थित महेन्द्रनगर-मझगाँउ सडक खण्डमा म २ प ३१६९ नम्बरको मोटरसाईकल आफै अनियन्त्रित भई बिजुलीको पोलमा ठोकिन गई बिहीबार राती दुर्घटना हुँदा चालक ऐ.१६ मझगाँउ बस्ने वर्ष २३ को दिपेन्द्र भण्डारीको मृत्यु भएको छ ।  दुर्घटनामा गम्भीर घाइते भएका उनलाई तत्काल उपचारको लागी महाकाली प्रादेशिक अस्पताल महेन्द्रनगरमा पुर्याउदा डाक्टरले चेक जाँच गर्ने क्रममा मृत घोषणा गरेको हो । यस घटना सम्बन्धमा प्रहरीले आवश्यक अनुसन्धान गरिरहेको छ ।