अबैध भन्सार छलिका सामान बरामद

२०८०-११-१३

A
A^-
A⁺

कैलाली:- जिल्ला कैलाली, भजनी न.पा.५ जुठाघाटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ८,०००।– बराबरको माछा आईतबार बिहान प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि उक्त माछा नष्ट गरेको हो ।

कञ्चनपुर:- जिल्ला कञ्चनपुर,भिमदत्त न.पा.१० भुजेलाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,५७,२००।-बराबरको किरानाका सामानहरु,कस्मेटिकका सामानहरु,साईकलको टायर, खेलौना, दुध पाउडर, तेल लगायतका सामानहरु र पुनर्वास न.पा.११ जानकी टोलबाट अन्दाजी मूल्य रु.७७,८००।-बराबरको लेडिज कपडा,मखमलको काँचो कपडा,साडी,बिडी,सुर्ती,प्लाष्टिक झिल्ली लगायतका सामानहरु गरि जम्मा अन्दाजी मूल्य रू.२,३५,०००।– बराबरको सामानहरु आईतबार बिहान प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

सम्बन्धित समाचार

अबैध लागूऔषध सहित मानिस नियन्त्रणमा

२०८२-०९-२८

कैलाली:- मिति २०८२।०९।२७ गते १८:५५ बजेको समयमा जिल्ला कैलाली, धनगढी उ.म.न.पा.३ त्रिनगर व्यारेल नजिकबाट जिल्ला कञ्चनपुर, कृष्णपुर न.पा.५ बस्ने बर्ष २८ को हरिश विष्टलाई शंका लागि चेकजाँच गर्दा निजको साथबाट २७ ग्राम ७६० मिलिग्राम लागूऔषध खैरो हेरोइन जस्तो देखिने धुलो पदार्थ, २२८ ट्यावलेट स्पास र २० ट्यावलेट नाईट्राभ्याट फेला पारी उक्त लागूऔषध सहित निजलाई जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको । यसैगरी, मिति २०८२।०९।२७ गते १७:५५ बजेको समयमा विशेष सूचनाको आधारमा जिल्ला कैलाली, गौरीगंगा न.पा.१ लठैया स्थित सोही ठाउँ बस्ने बर्ष ४६ को नन्दलाल उपाध्यायले संचालन गरेको खुद्रा भित्र खानतलासी गर्दा ६८२ ग्राम लागूऔषध चरेश जस्तो देखिने कालो पदार्थ फेला पारी उक्त पदार्थ सहित निजलाई इलाका प्रहरी कार्यालय चौमाला, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको । यसैगरी, मिति २०८२।०९।२७ गते २१:०० बजेको समयमा जिल्ला कैलाली, धनगढी उ.म.न.पा.८ रामनगर स्थित जिल्ला बझाङ, केदारस्यु गा.पा.७ बस्ने बर्ष ४५ को जनक बहादुर धामीलाई शंका लागि चेकजाँच गर्दा निजको साथबाट ३ के.जी. ५६५ ग्राम लागूऔषध चरेश जस्तो देखिने कालो पदार्थ, तौल गर्ने तराजु थान-१ र नगद रु. १०,०००।- फेला पारी उक्त पदार्थ, तराजु र नगद सहित निजलाई जिल्ला प्रहरी कार्यालय कैलाली र लागूऔषध नियन्त्रण व्युरो शाखा कार्यालय महेन्द्रनगर, कञ्चनपुरबाट संयुक्त रुपमा खटिएको प्रहरी टोलीले नियन्त्रणमा लिएको, थप अनुसन्धान भईरहेको । कञ्चनपुर:- मिति २०८२।०९।२७ गते १९:३० बजेको समयमा जिल्ला कञ्चनपुर, बेलौरी न.पा.१० जर्सिखल्ला स्थित भारत बाट नेपाल तर्फ आउदै गरेको से २ प ९००३ नम्बरको मोटरसाइकललाई शंका लागि चेकजाँच गर्दा मोटरसाइकल चालक ऐ. बेदकोट न.पा. ६ घोड्सुवा बस्ने बर्ष ३१ को सन्तोष बिष्ट र मोटरसाइकल पछाडी सवार सोही ठाउँ बस्ने बर्ष ३४ को सागर साँउदको साथबाट ६ ग्राम २२० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ, मोटरसाइकल सहित निजहरु दुवै जनालाई इलाका प्रहरी कार्यालय बेलडाँडी, कञ्चनपुर समेतबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।

त्रिभुवन बिश्वबिद्यालय होलोग्राम सहित मानिस नियन्त्रणमा

२०८२-०९-२८

कञ्चनपुर:- मिति २०८२।०९।२७ गते १८:०० बजेको समयमा जिल्ला कञ्चनपुर, पुनर्वास न.पा.११ डोकेबजार स्थित जिल्ला कैलाली, धनगढी उ.म.न.पा.३ बस्ने बर्ष ४२ को बाबुराम रानालाई शंका लागि चेकजाँच गर्दा निजको साथबाट Tribhuwan university Kathmandu त्रिभुवन बिश्वबिद्यालय काठमाण्डौँ, नेपाल संगठित बि.स.२०१२, स्थापित वि.स.२०१६ लेखेको त्रिभुवन बिश्व बिद्यालयको ४५,००० (पैचालिस हजार) थान होलोग्राम जस्तो देखिने समान सहित फेलापारी निजलाई प्रहरी चौकी परासन, कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।

अबैध भन्सार छलिका सामान नियन्त्रणमा

२०८२-०९-२८

कञ्चनपुर:- मिति २०८२।०९।२७ गते १३:३० बजेको समयमा जिल्ला कञ्चनपुर, भिमदत्त न.पा.४ गल्ली नम्बर ५ स्थित अंकुश गुप्ताले संचालन गरेको ए.जी. मोवाइल कियर सेन्टरमा अवैध भन्सार छलिको समान छ भन्ने गोप्य सुचनाको आधारमा चेकजाँच गर्दा उक्त पसलबाट अन्दाजी मूल्य रु.४,३९,८००।–बराबरको मोवाइल डिस्प्ले, ग्लास, एयरफोन, एयरपोट, डाटा केवल, हेड फोन, चार्जर, मोवाइल स्टेण्ड, ट्याव, साउण्ड बक्स लगायतका सामानहरु जिल्ला प्रहरी कार्यालय कञ्चनपुरबाट खटिएको प्रहरी गस्ती टोलीले नियन्त्रणमा लिएको । यसैगरी, मिति २०८२।०९।२७ गते १६:०० बजेको समयमा जिल्ला कञ्चनपुर, भिमदत्त न.पा.४ बाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२१,०००।–बराबरको माछा जिल्ला प्रहरी कार्यालय कञ्चनपुरबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिई आवश्यक प्रकिया पुरा गरि स्थानिय जन प्रतिनिधिको रोहभरमा नष्ट गरेको ।

वेवारिसे काठ बरामद

२०८२-०९-२७

कैलाली:- मिति २०८२।०९।२६ गते १९:४० बजेको समयमा गोप्य सुचनाको आधारमा जिल्ला कैलाली, भजनी न.पा.९ पहलवान नजिकै कान्द्रा नदीको छेउबाट साल जातको गोलिया थान-९ (५८.६ क्युफिट) अन्दाजी मुल्य रु.७२,५७६।- बराबरको काठ इलाका प्रहरी कार्यालय भजनी, कैलाली समेतबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिई आवश्यक प्रक्रिया पुरा गरि सब डिबिजन बन कार्यालय पचमोडीया, कैलालीको जिम्मा लगाएको ।

ट्याक्टर र मोटरसाइकल एक आपसमा ठोक्किदा दुई जनाको मृत्यू

२०८२-०९-२७

डडेल्धुरा:- मिति २०८२।०९।२६ गते १८:३० बजेको समयमा जिल्ला डडेल्धुरा, पर्शुराम न.पा.९ कुयापानी स्थित जोगबुढा दैजि सडक खण्डमा जोगबुढाबाट गाईबाधे तर्फ गइरहेको से २ त १४७४ नम्बरको ट्याक्टर र बिपरित दिशाबाट आउदै गरेको म १ प ९९७३ नम्बरको मोटरसाइकल एक आपसमा ठोक्किदा मोटरसाइकल चालक जिल्ला डडेल्धुरा, पर्शुराम न.पा.१२ पन्तुरा बस्ने बर्ष २७ को नबिन साउद र मोटरसाइकल पछाडी सवार सोही बस्ने बर्ष ३५ को मान जाग्री गम्भिर घाईते भई उपचारको लागि जोगबुढा अस्पताल जोगबुढा लगिएकोमा चिकित्सकले चेकजाँच गर्दा दुवै जनालाई मृत घोषणा गरेको, ट्याक्टर चालक जिल्ला डडेल्धुरा, पर्शुराम न.पा.९ सतघाट बस्ने बर्ष ३२ को शुरेस भट्ट फरार रहेकोले खोजतलास भईरहेको छ ।

अबैध लागूऔषध (चरेश) सहित मानिस नियन्त्रणमा

२०८२-०९-२६

अछाम:- मिति २०८२।०९।२५ गते १६:४५ बजेको समयमा लागूऔषध चरेशको कारोवार भईरहेको छ भन्ने गोप्य सुचनाको आधारमा इलाका प्रहरी कार्यालय साँफेवगर, अछामबाट खटिएको प्रहरी टोलीले जिल्ला अछाम, साँफेबगर न.पा.३ टोटासाल वडा कार्यालय नजिक त्रिपालको टेन्ट हाली भेडाभाख्रा चराउन बसेका जिल्ला बाजुरा, हिमाली गा.पा.२ बस्ने बर्ष ३६ की कमला कार्कीको शरिर खानतलासी गर्दा निजको साथबाट ९९.८९ ग्राम लागूऔषध चरेश जस्तो देखिने कालो पदार्थ फेला पारि उक्त पदार्थ सहित निजलाई नियन्त्रणमा लिएको, थप अनुसन्धान भईरहेको ।