रुखले च्यापिई बालकको मृत्यु

२०८०-१२-१८

A
A^-
A⁺

डोटी:- जिल्ला डोटी, सायल गा.पा. २ खरगडा घर भई ऐ.५ पटकानी स्थित मामाको घरमा बस्दै आएका बर्ष १४ को तिलक बोहरा ऐ.५ रानीबन जंगलमा दाउराको लागि बाँझको रुख काट्ने क्रममा सोही रुखले च्यापिन गई शनिबार दिउँसो निजको मृत्यु भएको हो । रुखले च्यापिई गम्भिर घाईते भएका उनको उपचारका लागि जिल्ला अस्पताल डोटीमा ल्याई डाक्टरले चेकजाँच गर्दा मृत घोषणा गरेको हो । यस सम्बन्धमा ईलाका प्रहरी कार्यालय आदर्श डोटी समेतबाट प्रहरी टोली खटिई गइ आवश्यक अनुसन्धान भईरहेको छ ।

सम्बन्धित समाचार

मृत अवस्थामा फेला

२०८३-०२-२५

कैलाली:- जिल्ला कैलाली धनगढी उ.म.न.पा.९ त्रिवेणीघाट स्थित मोहना नदीको तिरमा नामथर वतन नखुलेको पुरुष आइतबार साँझ मृत अवस्थामा फेला परेका छन् । यसैगरी, जिल्ला कैलाली लम्कीचुहा न.पा.३ बल्चौर स्थित रानीजमरा कुलरिया सिचाँई आयोजनाको नहरमा नामथर वतन नखुलेको बर्ष ४०/४५ जस्तो देखिने पुरुष आइतबार साँझ मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।

जबरजस्ती करणी गरेको अभियोगमा पक्राउ

२०८३-०२-२५

कैलाली :- १८ वर्षीया वालिकालाई मिति २०८३।०२।२१ गते राति सोही ठाउँ स्थित खेतवारीमा जबरजस्ती करणी गरेको अभियोगमा धनगढी उप-महानगरपालिका १६ बेहडाबाबा बस्ने बर्ष २१ को प्रदिप चन्द समेत ३ जनालाई आईतबार दिउँसो प्रहरीले पक्राउ गरेको छ । निजहरु तिनै जनाले ती वालिकालाई जबरजस्ती करणी गरेको भनि वालिकाको आफन्तले दिएको उजुरीको आधारमा अस्थायी प्रहरी पोष्ट बेहडाबाबा, कैलालीबाट खटिएको प्रहरीले निजहरुलाई आईतबार दिउँसो पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०२-२५

डडेल्धुरा:- डडेल्धुरा जिल्लाको बिभिन्न स्थानहरु परशुराम न.पा.९ कुयापानी र ऐ.१२ जोगबुढाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.५१,८९०।– बराबरको बिडी, छाता, पास्ता, प्लाष्टिक झिल्ली लगायतका सामानहरु आइतबार इलाका प्रहरी कार्यालय जोगबुढा, डडेल्धुराबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- जिल्ला कञ्चनपुर भिमदत्त न.पा.४ बजारबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३०,२००।– बराबरको किराना लगायतका सामानहरु आइतबार वडा प्रहरी कार्यालय महेन्द्रनगर, कञ्चनपुरबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

घरको छतबाट लडेर मृत्यु

२०८३-०२-२५

कैलाली:- जिल्ला कैलाली, धनगढी उ.म.न.पा.२ मिलनचोक बस्ने बर्ष ३१ को गोपाल साउद आईतबार दिउँसो आफ्नै तिन तले घरको घतबाट लडेर गम्भिर घाइते भई उपचारको लागि मायामेट्रो अस्पताल धनगढी लगिएकोमा उपचारको क्रममा आईतबार साँझ मृत्यु भएको हो । सो सम्बन्धमा आवश्यक अनुसन्धान भइरहेको ।

अबैध लागूऔषध सहित मानिस नियन्त्रणमा

२०८३-०२-२४

कञ्चनपुर:- जिल्ला कञ्चनपुर लालझाडी गा.पा.१ डाँडा बिचुवाबाट अवैध लागूऔषध खैरो हेरोइन जस्तो देखिने पदार्थ ४१० मिलिग्राम सहित सोही ठाउँ बस्ने बर्ष १९ को कृष्ण रानालाई शनिबार वेलिकी प्रहरीले पक्राउ गरेको छ । इलाका प्रहरी कार्यालय त्रिभुवनबस्ती, कञ्चनपुर समेतबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

जुवातास खेलिरहेको अवस्थामा ७ जना पक्राउ

२०८३-०२-२४

दार्चुला:- जिल्ला दार्चुला महाकाली न.पा.४ मोहती स्थित सोही न.पा.५ वस्ने बर्ष ४१ को जय सिह ठगुन्नाले सञ्चालन गरेको गोर्खा होटलबाट जुवातास खेलिरहेको अवस्थामा निज जय सिह ठगुन्ना सहित ७ जनालाई शनिबार राति प्रहरीले पक्राउ गरेको छ । जुवातास खेलिरहेका छन भन्ने गोप्य सूचनाको आधारमा जिल्ला प्रहरी कार्यालय दार्चुलाबाट खटिएको प्रहरीले निजहरूलाई नगद रु.१,६२,७५०।– र २ गड्डी तास सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।