आगलागीबाट बिभिन्न धनमाल जलेर नष्ट
२०८०-१२-१९
- A
- A-
- A+
बझाङ:- जिल्ला बझाङ, मष्टा गा.पा.६ रिलु बस्ने जिते रोकाया,ऐ.बस्ने ईश्वर रोकाया र ऐ.बस्ने लोकेन्द्र रोकायाको सङ्गै जोडिएका ३ तले पत्थरले छाएका घरहरुमा सोमबार दिउँसो अचानक आगलागी हुँदा घर लगायत घर भित्र रहेका अन्नपात,भाडाबर्तन,लत्ताकपडा लगायतका सामानहरु जलेर नष्ट भएको हो । आगलागीबाट मानविय तथा चौपाया क्षती नभएको । उक्त आगलागी स्थानियको सहयोगमा नियन्त्रणमा आई सकेको । आगलागीबाट भएको क्षतिको बिबरण आउन बाँकी रहेको । यस सम्बन्धमा ईलाका प्रहरी कार्यालय मष्टा बझाङबाट प्रहरी टोली खटिई गई आवश्यक अनुसन्धान गरिरहेको छ ।
कैलाली:- जिल्ला कैलाली,धनगढी उ.म.न.पा. ७ राना गाँउ स्थित कल्लु रानाको जस्तापाताले छाएको भुईतले कच्ची गोठमा राखेको भुसा र परालमा खाना पकाउन बालेको आगोबाट सोमबार दिउँसो अचानक आगलागी हुँदा उक्त गोठ र गोठ भित्र रहेको भुसा,पराल,काठको कडी, जस्तापाता लगायतका सामानहरु गरि अन्दाजी रु.१,५०,०००।– बराबरको धनमाल जलेर नष्ट भएको हो । उक्त आगलागीबाट गोठ भित्र रहेको बाख्रा १ वटा जलेर घाईते भएको छ भने अन्य मानबिय क्षती नभएको । उक्त आगलागी प्रहरी,स्थानिय र दमकलको सहयोगमा नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।