दार्चुला:- जिल्ला दार्चुला, महाकाली न.पा. १ श्रीबगर स्थित दार्चुला- तिंकर सडक खण्डबाट २ किलो ७०० ग्राम लागू औषध चरेश जस्तो देखिने कालो पदार्थ सहित जिल्ला कञ्चनपुर कृष्णपुर न.पा.३ बस्ने बर्ष २७ को हर्कलाल रानालाई सोमबार साँझतिर प्रहरीले पक्राउ गरेको हो । जिल्ला प्रहरी कार्यालय दार्चुलाबाट खटिएको प्रहरी टोलीले शंका चेकजाँच गर्दा निजले चलाएको सु.प.प्र.०२-००१ त १३१० नम्बरको ट्याक्टको ट्रालीमा कोदोको बोराभित्र लुकाई छिपाई राखेको अवस्थामा उक्त पदार्थ फेला पारी, सोधपुछ गर्दा उक्त सामान पठाउने ब्यक्ति ब्याँस गा.पा. ४ सुनसेरा बस्ने बर्ष अन्दाजी ५०/५५ को जयलाल कुँवर भनि खुल्न आएकोले निजलाई समेत प्रक्राउ गरि आवश्यक प्रक्रिया पुरा गरि उक्त पदार्थ र ट्याक्टर सहित निज दुवै जनालाई प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।