कञ्चनपुर:- जिल्ला कञ्चनपुर, भिमदत्त न.पा. ४ स्थित न्यु शिवशक्ति होटलको कोठाबाट १ किलो ५४४ ग्राम लागू औषध चरेश जस्तो देखिने कालो पदार्थ सहित जिल्ला बझाङ्ग केदारस्यु गा.पा.६ बस्ने बर्ष २४ को गोविन्द बहादुर धामी र जिल्ला रुकुम सानोभेरी गा.पा.३ बस्ने बर्ष ३४ को गोपाल पुनलाई मंगलबार दिउँसो प्रहरीले पक्राउ गरेको हो । गोप्य सुचनाको आधारमा जिल्ला प्रहरी कार्यालय कञ्चनपुर र लागू औषध नियन्त्रण व्युरो शाखा कार्यालय महेन्द्रनगरबाट संयुक्त रुपमा खटिएको प्रहरी टोलीले कोठामा चेकजाँच गर्दा खटिया मुनि कालो झोला भित्र लुकाई छिपाई राखेको अवस्थामा उक्त पदार्थ फेला पारी आवश्यक प्रक्रिया पुरा गरि उक्त पदार्थ सहित निज दुवै जनालाई प्रहरीले पक्राउ गरेको हो । यस सम्बन्धमा जिल्ला प्रहरी कार्यालय कञ्चनपुरबाट थप अनुसन्धान भईरहेको छ ।