आगलागीबाट बिभिन्न धनमाल जलेर नष्ट
२०८०-१२-२५
- A
- A-
- A+
कञ्चनपुर:- जिल्ला कञ्चनपुर, दोधारा चाँदनी न.पा.१ पशुपती टोल स्थित हिरा नाथको कच्ची घरको भान्सा कोठा र गोठमा आईतबार बिहानतिर अचानक आगलागी हुँदा उक्त भान्सा कोठा र गोठभित्र रहेका भाडावर्तन,लत्ताकपडा अन्नपात लगायका सामानहरु गरी अन्दाजी रु.५,००,०००।- बराबरको धनमाल जलेर नष्ट भएको हो । आगलागीबाट मानविय तथा चौपाया क्षती नभएको । उक्त आगलगी प्रहरी र स्थानियको सहयोगमा नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।
यसैगरी, कृष्णपुर न.पा. ४ किचाही स्थित भागरथी बिष्टको काठले बनेको गाई गोठमा आईतबार दिउँसो अचानक आगलागी हुँदा गोठभित्र रहेको एउटा बाख्राको जलेर मृत्यु भएको हो । उक्त आगलागीबाट अन्दाजी रु.६०,०००।- बराबरको धनमाल जलेर नष्ट भएको हो । आगलागीबाट मानविय क्षती नभएको । उक्त आगलागी स्थानिय,प्रहरी र दमकलको सहयोगमा नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।
यसैगरी, बेल्डाडी गा.पा.-२ चन्दनबस्ती स्थित दले दमाईको घर नजिकै रहेको नहरको छेउमा बालेको आगोबाट निजको १ तले कच्ची घरमा आगो सल्किन गई आईतबार दिउँसो आगलागी हुँदा अन्दाजी रु.७०,०००।- बराबरको धनमाल जलेर नष्ट भएको हो । आगलागीबाट मानविय तथा चौपाया क्षती नभएको । उक्त आगलागी स्थानिय र प्रहरीको सहयोगमा नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।