फरार प्रतिवादी पक्राउ

२०८०-१२-२६

A
A^-
A⁺

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको बिभिन्न मितिको फैसलाले जरिवाना ठहर भई फरार रहेका निम्न मुद्दाका निम्न प्रतिवादीहरुलाई आईतबार जिल्ला प्रहरी कार्यालय कैलाली तथा मातहत प्रहरी ईकाइहरुबाट खटिएको प्रहरी टोलीले पक्राउ गरेको हो । फैसला कार्यान्वयनको लागि निजलाई प्रहरीले सम्मानित अदालत समक्ष पेश गरेको हो ।

निम्न:-

१. लागु औषध मुद्दामा रु ४,०००।–जरीवाना ठहर भएका धनगढी उ.म.न.पा. १० बस्ने दिनेस राना ।

२. बिबिध मुद्दामा रु.२५,०००।–जरिवाना ठहर भएकी गौरीगंगा न.पा.८ बडैपुर बस्ने बन्दना पुन मगर ।

डडेल्धुरा:- सम्मानित जिल्ला अदालत डडेल्धुराको फैसलाले बिना ईजाजत साल जातका रुख काटे कटाएको मुद्दामा २ महिना कैद सजाय र रु.१०,३६,२६७।- जरिवाना ठहर भई फरार रहेका पर्शुराम न.पा. ११ पातल बस्ने बर्ष ४२ को नर बहादुर खडायतलाई आईतबार ईलाका प्रहरी कार्यालय जोगबुढा, डडेल्धुराबाट खटिएको प्रहरी टोलीले निजकै घर ठेगानाबाट पक्राउ गरेको हो ।

सम्बन्धित समाचार

अवैध लागूऔषध सहित मानिस नियन्त्रणमा

२०८३-०६-२३

कञ्चनपुर, शुक्लाफाँटा नगरपालिका-१ बन्साह बस्ने १९ वर्षीय यालिस भण्डारीलाई अवैध लागूऔषध खैरो हेरोइन जस्तो देखिने पदार्थ १३ ग्राम ९ सय ३० मिलिग्राम र नगद ३१ हजार ५ सय रूपैयाँ सहित शुक्रबार दिउँसो प्रहरीले पक्राउ गरेको छ । सुदूरपश्चिम प्रदेश प्रहरी कार्यालय धनगढी कैलाली समेतबाट खटिएको प्रहरीले यालिसको घर तलासी गर्दा उक्त पदार्थ फेला पारी उनलाई पक्राउ गरेको हो । अछाम, साँफेबगर नगरपालिका-४ जनकल्याण टोल बस्ने सोही नगरपालिका-१० बाब्ला घर भएका ५३ वर्षीय प्रताप बटालालाई अवैध लागूऔषध चरेस जस्तो देखिने पदार्थ २५ ग्राम २ सय ८० मिलिग्राम सहित शुक्रबार दिउँसो प्रहरीले पक्राउ गरेको छ । इलाका प्रहरी कार्यालय साँफेबगरबाट खटिएको प्रहरीले प्रतापको कोठा तलासी गर्दा उक्त पदार्थ फेला पारी उनलाई पक्राउ गरेको हो । यस सम्बन्धि आवश्यक अनुसन्धान भैरहेको छ ।

जुवातास खेलिरहेको अवस्थामा ११ जना पक्राउ

२०८३-०६-२३

कैलाली:- जिल्ला कैलाली धनगढी उ.म.न.पा.४ उत्तरबेहडी स्थित जुवातास भई रहेको भन्ने गोप्य सुचनाको आधारमा जिल्ला अछाम, साँफेबगर न.पा.३ घर भई हाल धनगढी उ.म.न.पा.४ उत्तरबेहडी बस्ने वर्ष २३ को सुरेश कुँवरले सोही ठाउँ स्थित सञ्चालन गरेको तड्का रेस्टुरेन्टमा जुवातास खेलिरहेको अवस्थामा निज सुरेश कुँवर सहित ११ जनालाई बिहिबार बेलुकी वडा प्रहरी कार्यालय धनगढी, कैलालीबाट खटिएको प्रहरी टोलीले नगद रु.२६,८५०।- (छब्बिस हजार आठ सय पचास ) र १ गड्डी तास सहित पक्राउ गरेको छ । यस सम्बन्धमा प्रहरीले अनुसन्धान गरिरहेको छ ।

अबैध भन्सार छलिका सामान सहित १ जना मानिस पक्राउ

२०८३-०६-२३

कञ्चनपुर:- जिल्ला कञ्चनपुर बेलौरी न.पा.२ बैजुडाँडाबाट अबैंध रुपमा भारतबाट भन्सार छलि गरी ल्याउदै गरेको अन्दाजी मूल्य रु.१,४८,६३२।- बराबरको ११ क्विन्टल २६ किलो तोरी सहित सोही ठाउँ बस्ने वर्ष ४२ को मनोज चौधरीलाई सुदूरपश्चिम प्रदेश प्रहरी कार्यालय धनगढी र इलाका प्रहरी कार्यालय बेलौरी, कञ्चनपुरबाट संयुक्त रुपमा खटिएको प्रहरी टोलीले बिहिबार दिउँसो फेला पारी आवश्यक प्रक्रिया पुरा गरी आवश्यक कारबाहीको लागि त्रिनगर भन्सार कार्यालय धनगढी, कैलाली पठाइएको छ । यसैगरी, जिल्ला कञ्चनपुर भिमदत्त न.पा.१७ वाँसखेडाबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.२०,२००।– बराबरको पेय पदार्थ, चिनी, सुर्ति, बिडी लगायतका सामानहरु बिहिबार साँझ अस्थायी प्रहरी पोष्ट मझगाउँ, कञ्चनपुरबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिएको छ ।

फरार प्रतिबादी पक्राउ

२०८३-०६-२३

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको बिभिन्न मितिको फैसलाले कैद सजाय तथा जरिवाना ठहर भई फरार रहेका निम्न प्रतिवादीहरुलाई इलाका प्रहरी कार्यालय सुखड, कैलालीबाट खटिएको प्रहरी टोलीले बिहिबार दिउँसो निजहरुकै घर ठेगानाबाट पक्राउ गरेको छ ।१. १. बालयौन दुरुपयोग मुद्दामा १ महिना कैद सजाय र रु.१०,०००।– ( दश हजार ) जरिवाना तोकिएको घोडाघोडी न.पा.३ बस्ने वर्ष ४० मनोज प्रसाद उपाध्याय ।२. २. कुटपिट मुद्दामा १ महिना कैद सजाय र रु.५,०००।– ( पाँच हजार ) जरिवाना तोकिएको घोडाघोडी न.पा.३ बस्ने वर्ष ३५ को वालक डगौरा ।

अबैध लागूऔषध सहित मानिस नियन्त्रणमा

२०८३-०६-२३

कैलाली:- जिल्ला कैलाली टीकापुर न.पा.१ बनगाउबाट अवैध लागूऔषध खैरो हिरोइन जस्तो देखिने धुलो पदार्थ १ ग्राम ६४० मिलिग्राम सहित सोही ठाउँ बस्ने वर्ष २१ को बिबश चौधरी र धनगढी उ.म.न.पा.१३ कैलालीगाउँ बस्ने वर्ष ३० को निशान्त घर्ती मगरलाई इलाका प्रहरी कार्यालय टीकापुर, कैलालीबाट खटिएको प्रहरी टोलीले बिहिबार साँझ शंका लागि चेकजाँच गर्दा उक्त पदार्थ फेला पारी पक्राउ गरेको छ । यस सम्बन्धमा प्रहरीले अनुसन्धान गरिरहेको छ ।

चट्याङ लागेर वालिकाको मृत्यु

२०८३-०६-२२

डोटी:- जिल्ला डोटी जोरायल गा.पा.६ बसौटी बस्ने भुपेन्द्र साउँदको घर नजिकै रहेको बिजुलीको पोलमा चट्याङ पर्न गई निजको छोरी वर्ष ७ की रञ्जना साउँद घर आँगनमा खेलिरहेको अवस्थामा चट्याङ लाग्न गई घइते भई उपचारको लागी अस्पताल लैजाने क्रममा बुधबार बाटोमा नै मृत्यु भएको छ ।