फरार प्रतिवादी पक्राउ

२०८०-१२-२८

A
A^-
A⁺

कैलाली:- सम्मानित जिल्ला अदालत कैलालीको बिभिन्न मितिको फैसलाले जरिवाना ठहर भई फरार रहेका निम्न मुद्दाका निम्न प्रतिवादीहरुलाई मंगलबार जिल्ला प्रहरी कार्यालय कैलाली तथा मातहत प्रहरी कार्यालयबाट खटिएको प्रहरी टोलीले पक्राउ गरेको हो । फैसला कार्यान्वयनको लागि निजहरुलाई प्रहरीले सम्मानित अदालत समक्ष पेश गरेको हो ।

निम्न:-

१. सवारी ज्यान मुद्दामा रु.२,०००।– जरिवाना ठहर भएका धनगढी उ.म.न.पा. ५ बस्ने रोशन पन्त ।

२. बन ज्यान मुद्दामा रु.३४,८७४।– जरिवाना ठहर भएका लम्कीचुहा न.पा.१ बस्ने जनक हमाल ।

सम्बन्धित समाचार

जबरजस्ती करणी गरेको अभियोगमा पक्राउ

२०८२-११-२८

कञ्चनपुर:- १२ वर्षीया किशोरीलाई जबरजस्ती करणी गरेको अभियोगमा जि.कञ्चनपुर भिमदत्त न.पा.१० बस्ने बर्ष ४७ को नरेश गिरी र ऐ.ऐ.भीमदत्त नगरपालीका वाड न.९ बस्ने बर्ष ४० को हिरा नाथलाई बुधबार प्रहरीले पक्राउ गरेको छ । जिल्ला कञ्चनपुर भिमदत्त न.पा.१० स्थित बैजनाथ सामुदायिक वन जङगल भित्र लगि जबरजस्ती करणी गरेको भन्ने जिल्ला प्रहरी कार्यालय कञ्चनपुरमा दिएको उजुरीको आधारमा प्रहरीले निजहरुलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध लागूऔषध सहित मानिस नियन्त्रणमा

२०८२-११-२८

कैलाली:- जिल्ला कैलाली धनगढी उ.म.न.पा. २ बाट भारत लखिमपुर खिरी पलिया बस्ने बर्ष ३७ को मनुवर अलि र ऐ.ऐ.बस्ने बर्ष ३९ को महम्मद असरफ अलीलाई ३ ग्राम लागूऔषध ब्राउनसुगर जस्तो देखिने धुलो पदार्थ सहित बुधबार दिउँसो प्रहरीले पक्राउ गरेको हो । जिल्ला प्रहरी कार्यालय कैलालीबाट खटिएको प्रहरी टोलीले शंकालागी चेकजाँच गर्दा उक्त पदार्थ फेला पारी आवश्यक प्रक्रिया पुरा गरि निजहरुलाई पक्राउ गरेको हो ।

अबैध भन्सार छलिका सामान नियन्त्रणमा

२०८२-११-२८

कैलाली:- जिल्ला कैलाली टीकापुर न.पा. ६ नारायण चोक स्थितबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१९,९३०।– बराबरको किराना सामानहरु बुधबार दिउँसो इलाका प्रहरी कार्यालय टीकापुर,कैलालीबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

माटोको ढिस्कोले च्यापिएर वालिकाको मृत्यू

२०८२-११-२७

डोटी:- जिल्ला डोटी सायल गा.पा.२ गौशिल स्थित घर पोत्ने माटो खन्ने क्रममा माथीबाट खसेको माटोको ढिस्कोमा पुरिएर ऐ. ग्वानी बस्ने बर्ष १६ की एलिना सिंहको मंगलबार विहान घटनास्थलमानै मृत्यु भएको हो । सो सम्बन्धमा प्रहरीले आवश्यक अनुसन्धान गरिरहेको छ ।

अबैध काठ बरामद

२०८२-११-२७

कञ्चनपुर:- जिल्ला कञ्चनपुर बेलौरी न.पा.१० सडकघाट स्थित सोही ठाउँ बस्ने दिपेन्द्र चौधरीले आफ्नो घरको कोठा भित्र अबैध काठ लुकाई छिपाई राखेको छ भन्ने गोप्य सुचनाको आधारमा निजको घर कोठा भित्र खानतलासी गर्दा साल जातको ६४.६७ क्युफिट अन्दाजी मुल्य रु.८०,८३७।– (असी हजार आठ सय सैतिस) बराबरको अबैध काठ मंगलबार बिहान ईलाका प्रहरी कार्यालय बेलडाँडी, कञ्चनपुरबाट खटिएको प्रहरी टोलीले फेला पारी आवश्यक प्रक्रिया पुरा गरि उक्त अबैध काठ सहित मानिस समेतलाई आवश्यक कारवाहीको लागि कुण्डा सब डिभिजन वन कार्यालय कञ्चनपुरको जिम्मा लगाएको हो ।

अबैध लागूऔषध सहित मानिस नियन्त्रणमा

२०८२-११-२७

कञ्चनपुर:- जिल्ला कञ्चनपुर पुनर्वास न.पा.६ “ङ” गाँउबाट जिल्ला कैलाली, धनगढी उ.म.न.पा.२ पुरानो भन्सार बस्ने बर्ष ४३ को हर्क बहादुर खड्का र ऐ. जानकी गा.पा.७ पठरैया बस्ने बर्ष ३० की मिना राजीलाई ६५० मिलिग्राम लागूऔषध खैरो हेरोईन जस्तो देखिने धुलो पदार्थ र १ डिब्बा कोरेक्स सहित मंगलबार दिउँसो प्रहरीले पक्राउ गरेको हो । से ६ प ६९९४ नम्बरको मोटरसाइकलमा सवार निजहरुलाई भारतबाट नेपाल तर्फ आउँदै गरेको अवस्थामा इलाका प्रहरी कार्यालय त्रिभुवनबस्ति, कञ्चनपुरबाट खटिएको प्रहरी टोलीले चेकजाँच गर्दा उक्त पदार्थ फेला पारी आवश्यक प्रक्रिया पुरा गरि उक्त पदार्थ, मोटरसाइकल सहित निजलाई पक्राउ गरेको हो ।