फरार प्रतिवादी पक्राउ
२०८१-०१-०१
- A
- A-
- A+
कैलाली:- सम्मानित जिल्ला अदालत कैलालीको बिभिन्न मितिको फैसलाले जरिवाना ठहर भई फरार रहेका निम्न मुद्दाका निम्न प्रतिवादीहरुलाई शुक्रबार जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो । फैसला कार्यान्वयनको लागि निजहरुलाई प्रहरीले सम्मानित अदालत समक्ष पेश गरेको हो ।
निम्न:-
१. ठगी मुद्दामा रु.१०,०००।– जरिवाना ठहर भएका धनगढी उ.म.न.पा.२ बस्ने बर्ष २६ को पारस मल्ल ।
२. चेक अनादर मुद्दामा रु.१,०००।– जरिवाना ठहर भएका धनगढी उ.म.न.पा. ९ बस्ने बर्ष ४२ को शुशिल चौधरी ।
डडेल्धुरा:- सम्मानित जिल्ला अदालत डडेल्धुराको फैसलाले चोरी मुद्धामा रु.३३,०००।- जरिवाना ठहर भई फरार रहेका अमरगढी न.पा.७ पोखरा बस्ने बर्ष २८ को तेज कैनीलाई शुक्रबार प्रहरी चौकी पोखरा डडेल्धुराबाट खटिएको प्रहरी टोलीले पक्राउ गरेको हो । फैसला कार्यान्वयनको लागि निजलाई प्रहरीले सम्मानित अदालत समक्ष पेश गरेको हो ।