कैलाली:- कैलाली जिल्लाको बिभिन्न स्थानहरु धनगढी उ.म.न.पा. ३ चटकपुर नजिकबाट, भजनी न.पा.०६ नवलपुर र टिकापुर न.पा.१ सडक खण्डबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३९,१००।–बराबरको प्याज,सुर्ती,चिनी,खानेतेल लगायतका सामानहरु सोमबार जिल्ला प्रहरी कार्यालय कैलाली मातहत प्रहरी कार्यालयहरुबाट खटिएको प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो ।      

    कञ्चनपुर:- जिल्ला कञ्चनपुर,भिमदत्त न.पा.११ चौकीसत्ताबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १,०६,२००।- (एक लाख छ हजार दुइ सय) बराबरको ब्लाउज थान कपडा, सेतो थान कपडा, कालो पोलिथिन, रिफाईन्ड तेल, डाल्डा, चरिको बिउ,चप्पल,ब्रेक-सु,मोटरसाईकलको हेडलाईट,कोराजिन औषधी लगायतका सामानहरु सोमबार ईलाका प्रहरी कार्यालय गड्डाचौकीबाट खटिएको प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो ।  उल्लेखित सामानहरु आवश्यक कारबाहीको लागि प्रहरीले भन्सार कार्यालय गड्डाचौकीमा बुझाएको हो ।