कञ्चनपुर:-जिल्ला कञ्चनपुर,बेलौरी न.पा.६ हात्तीबोझा बस्ने बर्ष ४६ को मण्डी बडायकले सोही ठाँउ स्थित सञ्चालन गरेको नास्ता पसलको कोठा भित्र जुवातास खेलिरहेको अबस्थामा निज सञ्चालक सहित आठ जना मानिसहरुलाई शनिबार दिउँसो प्रहरीले पक्राउ गरेको हो । गोप्य सूचनाको आधारमा ईलाका प्रहरी कार्यालय बेलौरी कञ्चनपुरबाट खटिएको प्रहरी टोलीले उक्त नास्ता पसलमा चेकजाँच गर्दा उनिहरुलाई नगद रु.११,५१०।– र ६ गड्डी तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

     कैलाली:-जिल्ला कैलाली, गोदावरी न.पा.१ बस्ने बर्ष ४२ को करन चन्दले ऐ.धनगढी रोड स्थित सञ्चालन गरेको रेड्सन प्लाजाको दोस्रो तलाको कोठा भित्र जुवातास खेलिरहेको अबस्थामा निज सञ्चालक सहित पाँच जना मानिसहरुलाई शनिबार साँझतिर प्रहरीले पक्राउ गरेको हो । बिशेष सूचनाको आधारमा ईलाका प्रहरी कार्यालय मालाखेती,कैलालीबाट खटिएको प्रहरी टोलीले चेकजाँच गर्दा उनिहरुलाई नगद रु.१,५५,२००।– ,५ गड्डी तास र NMB Bank को खाली चेक पाना थान-३ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।