सवारी दुर्घटनामा मृत्यु

२०८१-०१-०९

A
A^-
A⁺

कञ्चनपुर:- जिल्ला कञ्चनपुर, बेलौरी न.पा.५ मैनाह स्थित कलुवापुर बेलौरी सडक खण्डमा कलुवापुरबाट बेलौरी तर्फ आउदै गरेको से.२ त.२२५४ नम्बरको पानी ट्याङ्की जडित ट्याक्टर अनियन्त्रित भई सडक छेउमा पल्टिन गई ट्याक्टर चालक ऐ.लालझाडी गा.पा. ६ चान्देउ बस्ने अन्दाजी बर्ष ३५ को सुरेश चौधरीको शनिबार राती सोही ट्याक्टर मुनि च्यापिई घटनास्थलमै मृत्यु भएको हो । निजको ट्याक्टर मुनि च्यापिई घटनास्थलमै मृत्यु भएको भन्ने जानकारी प्राप्त हुना साथ ईलाका प्रहरी कार्यालय बेलौरी,कञ्चनपुरबाट प्रहरी टोली खटिई गई यस सम्बन्धमा आवश्यक अनुसन्धान गरिरहेको छ ।

सम्बन्धित समाचार

आगलागीबाट विभिन्न धनमाल जलेर नष्ट

२०८३-०१-२८

कञ्चनपुर:- जिल्ला कञ्चनपुर बेदकोट न.पा.१० चथरी बस्ने गणेश सुनार र सोही ठाउँ बस्ने चक्र सुनारको संगै जोडिएको एक /एक तले कच्चि गोठमा नजिकै खेतमा जलाएको आगो गोठमा सल्किन गई गणेश सुनारको काठ जस्ता पाता लगायतका सामानहरु गरि अन्दाजी रु.२,५०,०००।– बराबरको र चक्र सुनारको गोठ भित्र राखेको खाद्यान्न लगायतका सामानहरु गरि अन्दाजी रु.१,५०,०००।– बराबरको गरि जम्मा अन्दाजी रु.४,००,०००।- बराबरको धनमाल आइतबार दिउँसो जलेर नष्ट भएको हो, मानविय तथा चौपाया क्षती नभएको, आगलागी स्थानिय, प्रहरी र दमकलको सहयोगमा आगलागी नियन्त्रणमा लिईएको हो ।

फरार प्रतिवादी पक्राउ

२०८३-०१-२८

कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०८२।०३।२५ गतेको फैसलाले चोरी मुद्दामा ९ महिना कैद सजाय र रु. १५,०००।– जरिवाना तोकिएको पुनर्वास न.पा.१० बिकाशबस्ती बस्ने बर्ष २४ को कृष्ण राना र सोही मुद्दमा ३ महिना कैद सजाय र रु.५,०००।- जरिवाना तोकिएको सोही ठाउँ बस्ने बर्ष २७ को होसियार रानालाई जिल्ला प्रहरी कार्यालय कञ्चनपुर समेतबाट खटिएको प्रहरी टोलीले मिति २०८३।०१।२७ गते निजहरुकै घर ठेगानाबाट पक्राउ गरेको हो ।

डुबी मृत्यु

२०८३-०१-२८

कञ्चनपुर:- जिल्ला कञ्चनपुर पुनर्वास न.पा.९ (ख) गाँउ स्थित दोदा नदीमा नुहाउने क्रममा सोही न.पा. ८ (क) गाउँ बस्ने बर्ष १४ को रोहित दौडे पानीमा डुबी गम्भिर घाईते भई उपचारको लागि पुनर्वास टाउन हस्पिटल लगिएकोमा चिकित्सकले चेकजाँच गर्दा मृत घोषणा गरेको हो । घटना सम्बन्धमा प्रहरीले अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०१-२८

कैलाली:- जिल्ला कैलाली धनगढी उ.म.न.पा.३ सिसा पोष्टबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.५८,८००।– बराबरको सुटपिस, जुत्ता, चप्पल, मटर लगायतका सामानहरु आइतबार जिल्ला प्रहरी कार्यालय कैलालीबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- जिल्ला कञ्चनपुर भिमदत्त न.पा.२ भासिबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ७९,०९०।– बराबरको फेन्सि तथा किराना लगायतका सामानहरु आइतबार वडा प्रहरी कार्यालय महेन्द्रनगर, कञ्चनपुरबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

डुबी बेपत्ता

२०८३-०१-२८

बाजुरा:- जिल्ला बाजुरा हिमाली गा.पा.१ मैतार्ना स्थित कुवाडी खोलामा चार जना साथिहरु सँग नुहाउने क्रममा बर्ष १४ को नबराज थापालाई खोलाले बगाई बेपत्ता भएको हो, निजको खोजतलास भईरहेको छ ।

अबैध लागूऔषध सहित मानिस नियन्त्रणमा

२०८३-०१-२७

कैलाली:- जिल्ला कैलाली धनगढी उ.म.न.पा.२ त्रिनगर भन्सार नजिकबाट अवैध लागूऔषध खैरो हेरोइन जस्तो देखिने धुलो पदार्थ २६० मिलिग्राम सहित जिल्ला कञ्चनपुर, शुक्लाफाँटा न.पा.७ बस्ने बर्ष २३ को भुवन ऐरीलाई शनिबार दिउँसो प्रहरीले पक्राउ गरेको छ । प्रहरी चौकी त्रिनगर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित निजलाई पक्राउ गरेको हो । यसैगरी, जिल्ला कैलाली भजनी न.पा.३ कुसुमघाटबाट अवैध लागूऔषध खैरो हेरोइन जस्तो देखिने धुलो पदार्थ ३ ग्राम ४९० मिलिग्राम सहित जानकी गा.पा.७ बस्ने बर्ष ३० को रामकृष्ण थारुलाई शनिबार साँझ प्रहरीले पक्राउ गरेको छ । प्रहरी चौकी जनकपुर, कैलालीबाट खटिएको प्रहरीले भारतबाट नेपालतर्फ साईकलमा आउँदै गरेको अवस्थामा शंका लागि चेकजाँच गर्दा उक्त पदार्थ फेला पारी उक्त पदार्थ, साइकल सहित निजलाई पक्राउ गरेको हो । यसैगरी, जिल्ला कैलाली जानकी गा.पा.१ गुजरुवा चौराहबाट अवैध लागूऔषध खैरो हेरोइन जस्तो देखिने धुलो पदार्थ ८४० मिलिग्राम सहित जानकी गा.पा.५ पथरैया बस्ने बर्ष २६ को अशोक चौधरीलाई शनिबार साँझ प्रहरीले पक्राउ गरेको छ । इलाका प्रहरी कार्यालय टिकापुर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित निजलाई पक्राउ गरेको हो । कञ्चनपुर, जिल्ला कञ्चनपुर भिमदत्त नगरपालिका-१० गड्डाचौकी ब्यारेलबाट अवैध लागूऔषध खैरो हेरोइन जस्तो देखिने पदार्थ २ सय ६० मिलिग्राम र चरेस जस्तो देखिने पदार्थ ५ सय ७० मिलिग्राम सहित कैलाली गौरीगंगा नगरपालिका-३ चौमला बस्ने १९ वर्षीय आयुष नेपालीलाई शनिबार बिहान प्रहरीले पक्राउ गरेको छ । इलाका प्रहरी कार्यालय गड्डाचौकीबाट खटिएको प्रहरीले उनलाई उक्त पदार्थ सहित पक्राउ गरेको हो । यसैगरी, जिल्ला कञ्चनपुर भिमदत्त न.पा.१३ बडैपुरबाट १४० मिलिग्राम लागूऔषध खैरो हेरोईन जस्तो देखिने धुलो पदार्थ सहित सोही ठाउँ बस्ने बर्ष २९ को विक्की कुवँरलाई शनिबार साँझ प्रहरीले पक्राउ गरेको हो । इलाका प्रहरी कार्यालय गड्डाचौकी, कञ्चनपुरबाट खटिएको प्रहरी टोलीले निजलाई शंका लागि चेकजाँच गर्दा उक्त पदार्थ फेला पारी उक्त पदार्थ सहित निजलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।