अबैध भन्सार छलिका सामान सहित मानिस पक्राउ
२०८१-०१-१०
- A
- A-
- A+
कैलाली:- कैलाली जिल्लाको बिभिन्न स्थानहरु धनगढी उ.म.न.पा.२ बैयाबेहडी, टिकापुर न.पा.७ डाँडाबोझी, भजनी न.पा.३ कांडा र कैलारी गा.पा. ७ झोलुङगे पुलबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,१७,३००।–बराबरको प्याज,चिनी,बिडी,सुर्ती,खाने तेल,पेय पदार्थ,प्लाष्टिक झिल्ली लगायतका सामानहरु आईतबार जिल्ला प्रहरी कार्यालय कैलाली तथा मातहत प्रहरी कार्यालयहरुबाट खटिएको प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो ।
यसैगरी, धनगढी उ.म.न.पा.८ धनगढी गाउँबाट अबैध रुपमा भारतबाट भन्सार छलि गरि ल्याउदै गरेको अन्दाजी मूल्य रु.२,८१,५१०।–बराबरको ३७ कुण्डल १७ के.जी. गहुँ र गोरु समेत डल्लव थान- ४ सहित जिल्ला लखिमपुर खिरी गौरीफण्टा ग्राम कजरिया भारत बस्ने बर्ष ३५ को राम शरण राना समेत तीन जना भारतिय नागरिकलाई आईतबार जिल्ला प्रहरी कार्यालय कैलालीबाट खटिएको प्रहरी टोलीले फेला पारी आवश्यक प्रक्रिया पुरा गरि नियन्त्रणमा लिएको हो । उल्लेखित गहुँ,गोरु सहित डल्लव र मानिसलाई आवश्यक कारबाहीको लागि प्रहरीले कैलाली भन्सार कार्यालय त्रिनगरमा बुझाएको हो ।