कैलाली:- कैलाली जिल्लाको बिभिन्न स्थानहरु धनगढी उ.म.न.पा.२ बैयाबेहडी नजिकबाट,ऐ.३ पुरवार पेट्रोल पम्प नजिकबाट, ऐ.९ त्रिवेणीघाट,ऐ.१२ खप्तड ईटा भट्टा नजिकबाट,ऐ.१५ कनरी बजारबाट, घोडाघोडी न.पा.७ भजनी सुखड भित्री सडक खण्डबाट, टिकापुर न.पा.८ बटनपुर र भजनी न.पा.५ कव्वाखेडाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,७४,८१७।–बराबरको प्याज,चिनी,सुर्ती, नरिवल,बिस्कुट,प्लाष्टिक झिल्ली,पेय पदार्थ,सुट पिस,पानीपुरी,चक्लेट,बेसनको पिठो, आरा मेसिनको चेन लगायतका सामानहरु मंगलबार जिल्ला प्रहरी कार्यालय कैलाली तथा मातहत प्रहरी कार्यालयहरुबाट खटिएको प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो ।

   कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा.५ सुकासाल,ऐ.१७ मझगाउँ,बेलौरी न.पा.१ फटैया, ऐ.२ बैजुडाडा र बन्दातालबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,०९,९८०।–बराबरको प्याज,चिनी,दाल,हरियो केराउ,मोबिल,पेय पदार्थ, माछा, साईकल थान-३ लगायतका सामानहरु मंगलबार जिल्ला प्रहरी कार्यालय कञ्चनपुर मातहत प्रहरी कार्यालयहरुबाट खटिएको प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो ।

     यसैगरी, बेलौरी न.पा.८ कलकत्ताबाट अबैध रुपमा भारतरबाट नेपाल तर्फ ल्याउदै गरेको अन्दाजी मूल्य रु.१४,५०,०००।–(चौध लाख पचाँस हजार) बराबरको २०० क्विन्टल गहुँ र ट्याक्टरको ट्राली थान- २ मंगलबार ईलाका प्रहरी कार्यालय बेलौरी, कञ्चनपुरबाट खटिएको प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो । उल्लेखित गहुँ र ट्राली आवश्यक कारवाहीको लागि प्रहरीले कैलाली भन्सार कार्यालय त्रिनगरमा बुझाएको हो ।