कर्तव्य ज्यान मुद्दाका फरार प्रतिवादी ८ बर्ष ७ महिना पछी पक्राउ

२०७८-०६-१३

A
A^-
A⁺

जिल्ला कैलाली ध. उ.म.न.पा. १ बस्ने वर्ष ४१को सुरेन्द्र बहादुर सिंहलाई मिति २०६८।०८।१८ गते जि.कैलाली ध.न.पा.वडा नं.०८ धनगढी गाउ स्थित दुर्गा मन्दिरमा लागेको मेला हेर्न गएको समयमा ऐ.ऐ. वडा नम्बर १ बस्ने बर्ष ४० को सुर्वण श्रेष्ठ समेतका २ जनाले कुटपिट गरी घाइते बनाई उपचारको क्रममा मृत्यु भएको र सो पश्चात निज दुवै जना फरार रहेकोमा अर्का प्रतिवादीलाई पक्राउ गरी कर्तव्य ज्यान मुद्दामा सम्पुर्ण अनुसन्धान कार्य पुरा गरी सम्मानित कैलाली जिल्ला अदालतबाट जन्म कैद २० बर्ष फैसला भई सकेको र निज सुवर्ण श्रेष्ठ हाल सम्म फरार रहेकोमा खोज तलास गर्ने क्रममा मिति २०७७।०४।१० गते जिल्ला कैलाली ध उ म नपा ९ स्थित लुकिछिपी बसेको अवस्थामा फेलापारी निजलाई पक्राउ गरी आवश्यक कारबाहीका लागी आज मिति २०७७।०४।११ गते सम्मानित कैलाली जिल्ला अदालतमा बुझाईएको ।

सम्बन्धित समाचार

फरार प्रतिबादी पक्राउ

२०८३-०४-०६

बैतडी:- फैसला कार्यान्वयनको सिलसिलामा सम्मानित जिल्ला अदालत बैतडीको फैसलाले हातहतियार तथा खरखजना सम्बन्धि मुद्दामा २१ दिन कैद सजाय र रु.५,०००।- जरिवाना तोकिएको दोगडाकेदार गा.पा.८ बस्ने वर्ष ५३ को अमर बहादुर बिष्टलाई जिल्ला प्रहरी कार्यालय बैतडीबाट खटिएको प्रहरीले मंगलबार दिउँसो निजकै घर ठेगानाबाट पक्राउ गरेको हो ।

असार महिनाको POLICE OF THE MONTH घोषित

२०८३-०४-०६

सुदूरपश्चिम प्रदेश प्रहरी कार्यालय धनगढी, कैलालीले प्रहरी कार्यालय सहयोगी प्रकाश सिंह महरालाई असार महिनाको POLICE OF THE MONTH घोषित गरेको छ । मिति २०८२।०३।२१ गते अन्दाजी १८:३० वजेको समयमा जिल्ला दार्चुला, मालिकार्जुन गाउँपालिका वडा नम्वर ०८ धरमपानी वस्ने वर्ष ३६ को करण कोली र निजको श्रीमती वर्ष २६ की बिमला कोली खलंगा बजारबाट घर जाने क्रममा सोही गाउँपालिका वडा नम्वर ०७ जोलजीवी स्थित पुग्दा श्रीमान्- श्रीमती दुवै जनाको एक आपसमा झगडा हुँदा श्रीमती बिमला कोलीले महाकाली नदिमा हाम फालेको भनि नजिकै रहेको प्रहरी चौकी जोलजीवी, दार्चुलामा जानकारी गराउना साथ तत्कालै उक्त स्थानमा सोही चौकीमा कार्यरत प्रहरी कार्यालय सहयोगी प्रकाश सिंह महरा उक्त स्थानमा खटि गई आफ्नो ज्यानको प्रवाह नगरी निजलाई सकुसल उद्दार गरि पुर्‍याउनु भएको योगदानको उच्च मूल्याङ्कन गर्दै २०८३ साल असार महिनाको POLICE OF THE MONTH घोषणा गरिएको हो ।

अवैध भन्सार छलिका सामान नियन्त्रणमा

२०८३-०४-०६

कैलाली:- कैलाली जिल्लाको विभिन्न स्थानहरु धनगढी उ.म.न.पा.१३ राजपुर चोक र टिकापुर न.पा.६ बाणीघाट पुलबाट अबैंध रुपमा भारतबाट भन्सार छलि गरी ल्याएका अन्दाजी मूल्य रु.७९,०६०।– बराबरको सुटपिस, बिडी, सुर्ति, किराना लगायतका सामानहरु मंगलबार जिल्ला प्रहरी कार्यालय कैलाली मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- कञ्चनपुर जिल्लाको विभिन्न स्थानहरु भिमदत्त न.पा. ४ बसपार्क, शुक्लाफाँटा न.पा.१ बन्साह जंगल र सोही न.पा.११ कलुवापुरबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.९५,९००।– बराबरको चिनी, बिडी, सुर्ति, चक्लेट, साडी, सलाई, प्लाष्टिक झिल्ली लगायतका सामानहरु मंगलबार जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

अवैध लागूऔषध सहित मानिस नियन्त्रणमा

२०८३-०४-०६

कैलाली:- जिल्ला कैलाली धनगढी उ.म.न.पा.६ के.आई. सिह चोकबाट अवैध लागूऔषध खैरो हेरोइन जस्तो देखिने पदार्थ १ ग्राम ८ मिलिग्राम सहित ३ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा देश भारत लखिमपुर खिरी बस्ने बर्ष २४ को सलमान खान र बर्ष २५ को जहिद अली र बर्ष २१ को महोमद असलाम रहेका छन् । वडा प्रहरी कार्यालय धनगढी र लागूऔषध नियन्त्रण व्युरो शाखा कार्यालय महेन्द्रनगर, कञ्चनपुरबाट संयुक्त रुपमा खटिएको प्रहरीले लागूऔषध सेवन गरिरहेको अवस्थामा चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो । यसैगरी, जिल्ला कैलाली धनगढी उ.म.न.पा.२ सिसा पोष्ट नजिकबाट नियन्त्रित लागूऔषध स्पास नामक ट्याब्लेट ८ सहित सोही ठाउँ बस्ने १८ वर्षिय किशोरलाई मंगलबार साँझ प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले शंका लागि चेकजाँच गर्दा उक्त ट्याब्लेट फेला पारी पक्राउ गरेको हो । कञ्चनपुर:- जिल्ला कञ्चनपुर शुक्लाफाँटा न.पा.१२ स्यालिनदीबाट अवैध लागूऔषध खैरोहेरोइन जस्तो देखिने धुलो पदार्थ ९६० मिलिग्राम सहित २ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा सोही न.पा.७ बस्ने बर्ष ३० को हेम राज जोशी र बर्ष २८ को रविन्द्र नेगी रहेका छन् । अस्थायी प्रहरी पोष्ट बन्साह, कञ्चनपुरबाट खटिएको प्रहरीले सु.प.प्र.०१-०१३ प ०७७९ नम्बरको स्कुटरमा सवार निजहरुलाई शंका लागि चेकजाँच गर्दा उक्त पदार्थ फेला पारि उक्त पदार्थ, स्कुटर सहित पक्राउ गरेको हो ।

अवैध भन्सार छलिका सामान नियन्त्रणमा

२०८३-०४-०५

कञ्चनपुर:- जिल्ला कञ्चनपुर भिमदत्त न.पा.११ गड्डाचौकीबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,०२,०००।– बराबरको थान कपडा सोमबार दिउँसो इलाका प्रहरी कार्यालय गड्डाचौकी, कञ्चनपुरबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । बैतडी:- जिल्ला बैतडी दशरथचन्द न.पा.२ कठपतेबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३१,५००।– बराबरको सुटपिस सोमबार दिउँसो जिल्ला प्रहरी कार्यालय बैतडीबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

जिप दुर्घटना हुँदा २ जनाको मृत्यू

२०८३-०४-०५

बाजुरा:- जिल्ला बाजुरा हिमाली गा.पा.५ क्युडी स्थित कुवाडी- क्युडी भित्री कच्ची सडक खण्डमा धुलाचौरबाट दुधिला खोला तर्फ जादै गरेको सु.प.प्र.०१-००१ ज १४७८ नम्बरको जिप दुर्घटना भई सडकको माथिल्लो मोडबाट करिव १० मिटर तल्लो मोडमा खस्न गई जिपमा सवार जिल्ला बाजुरा, हिमाली गा.पा.२ बस्ने बर्ष ४० को धर्मलाल बुढा र जिल्ला हुम्ला, ताजाकोट गा.पा.५ बस्ने बर्ष ४० को अम्मर सिंह बुढाको मृत्यु सोमबार साँझ भएको छ । दुर्घटनामा गम्भीर घाइते भएका उनीहरूको कोल्टी आधारभुत अस्पताल बाजुरामा उपचारको क्रममा मृत्यु भएको हो । साथै दुर्घटनामा घाइते भएका अन्य ७ जनाको कोल्टी आधारभुत अस्पताल बाजुरामा उपचार भइरहेको छ । दुर्घटना सम्बन्धमा प्रहरीले आवश्यक अनुसन्धान गरिरहेको छ ।